DESENVOLVIMENTU DALEN TETUN

                  

                                           INDISE:

Introdusaun……………………………………………………..................................................I

Lian Mak Loke………………………………………………..……………………………….II

Objetivu…………………………………………………….…………………………………III

Funsaun………………………………………………….……………………………………IV

Vantajen No Desvantajen……………………………………………..……………………….V

Konklusaun………………………………………………………….………………………..VI

Lian Mak Taka……………………………………………………..………………………..VII

       INTODUSAUN

Tetun nuʹudar dalen históriku ba povu Timor lori tempu no liu husi prosesu naruk,hahu hodi traduz biblia sagrada hosi latin mai tetun toʹo iha luta resistensia nian mós kontinua uza nuʹudar  instrumentu ka meiu ida administrasaun hodi infrenta problema polítika timor nian hasoru ditatór Soearto ho ninia rezime tomak.No agora tetun ita uza hodi hanorin iha eskola no agora mos tetun nuʹudar  dalen ofisiál no nasionál ba nasaun TIMOR-LESTE no Tetun mos nuʹudar identidade nasaun Timor-leste hodi hatudu ba mundu internasionál.

                   LIAN MAK LOKE:

NAʹI iha biban kmanek ida neʹe haʹu husu ba ita boot atu akompaña haʹu iha haʹu nia prosesu halo haʹu nia traballu ida neʹe,no haraik ita boot nia espiritu matenek nian mai haʹu atu haʹu bele halo traballu ida neʹe ho diʹak no toʹo hotu, tamba ita boot mak matenek hotu nia naʹin.

OBJEKTIVO:

Objetivu husi ida neʹe mak oinsá ita bele hatene diʹak liu tan prosesu desenvolvimento dalen tetun iha rai-liur no rai-laran no nia funsaun tomak no mós oinsá ita bele hatene história dalen tetun husi uluk no agora no oinsá mak ita bele hakerek tetun tuir ortografia padronizada, no oinsá ita bele hatene base hodi desenvolve dalen tetun.

FUNSAUN:

Desenvolvimento dalen tetun husi rai-liur:

Tetun nuʹudar dalen ida hanesan dalen seluk iha mundu rai-klaran presijakria kondisaun ida ke diʹak hodi desenvolve dalen,nuneʹe mós hodi hasaʹe ninia prestizu liu husi komponente oi-oin dalen nian.Desenvolvimento dalen tetun iha parte rua hanesan:

·         desenvolvimentu rai-liur

·         desenvolvimento rai-laran.Komponente linguistiga neʹebe desenvolve iha rai-liur mak hanesan tuir mai neʹe:fonolojia,morfolojia,sintase no semántiku.Atu koñese kleʹan liu kona-ba prespektiva área linguistika haat (4) mak tuir mai neʹe:

1.      Fonolojia:

Fonolojia nuʹudar ramu linguistika nian ida neʹebe estuda sistema Sonora dalen nian.Husi variedade son neʹebe aparellu vokál  ema sira nian bele prodús no estuda husi fonétika,neʹe nuʹudar número kiʹik neʹebe uza distintivamente iha dalen.

físika,artikulatório I prespetiva produsaun no persesaun son liu husi koʹalia no mós fornese métodu ba nia deskrisaun no klarifikasaun.Área fonolojia nian ba envolve:˝son no fonema,vogál  sira,konsuante,sílaba no liafuanˮ.

2.      Morfolojia:

       Nuʹudar parte ida husi gramátika neʹebe estuda liafuan no ninia formasaun,iha klasse ka kategoria liafuan gramátika nian neʹebe mak pretense ba.Área sira neʹebe envolve iha morfolojia mak hanesan:˝klasse liafuan hotu-hotu neʹebe inklui iha dalen ida nia laran(naran ka substantivu ,verbu,pronome,adjektivu,adverbial,numeral,prepozisaun,no konjunsaun nst.)no nia modifikasaun liafuan  básika ba kompleksa no mós muda husi kategoria ida ba seluk.

3.      Sintaze:

Sintaze nuʹudar parte ida husi gramátika neʹebe estuda konstituinte fraze nian no ninia ordenasaun.Área envolvimentu sintaze nian mak hanesan: ˝fraze,tipu fraze nian,forma fraze nian,fraze no orasaun,fraze simples no kompleksa ,funsaun sintátika  konstituente fraze nian,orden konstituiente,orasaun,koordenasaun nosubordinasaun fraze nianˮ.  

4.      Semántiku:

Semántiku nuʹudar parte ida husi gramátika neʹebe estuda signifigadu liafuan nian no ninia modifikasaun sentidu nian neʹebe sira sofre liu husi tempu no espasu.Área neʹebe envolve iha semántiku mak hanesan:˝relasaun semántiku entre liafuan,kampu semántiku,(semántiku leksikál  no semántiku frásika)denotasaun no konotasaun,evolusaun semántika,valor especial temppu nian nst.

                       DESENVOLVIMENTU DALEN TETUN HUSI RAI-LARAN.

Alénde komponente hirak iha leten,hetan mós dezenvolvimento husi parte rai-laran hodi hasaʹe prestizu dalen tetun nian hanesan:

1.      Tetun nuʹudar dalen lokál

2.      tetun nuʹudar dalen franka(dalen komersiu)

3.      tetun nuʹudar dalen nasionál no

4.      tetun nuʹudar dalen ofisiál.

Atu ita bele koñese diʹak no hatene kleʹan liu tan kona ba parte hirak-neʹe halehat hamutuk parte ida-idak iha kraik neʹe. 

1.      Tetun nuʹudar dalen loKál

funsaun:

·         Tetun nuʹudar dalen lokál  nia valor hanesan mós dialetu lokál sira seluk hanesan:dalen lasmeto,dale fataluku,dalen bekais,dalen lokál sira seluk mak ita hetan no ema uza iha rai Suai,Alas(manufahi),iha soibada(manatutu) balibo no vikeke vila.

·         Tetun nuʹudar dalen lokál:meiu ida hodi halaʹo komunikasaun entre povu iha rai neʹeba nia (suai,Alas,Soibada,Vikeke no Balibo),

·         Halaʹo komersiu lokál entre étniku husi sosiedade nia laran

·         No hodi habelar kultura povu rai hirak neʹeba nian.

2.      Tetun nuʹudar dalen franka ka dalen komersiu.

Tetun nuʹudar dalen franka mosu bainhira kapital provinsi ulltramarinu timor portages iha rai-lifau(oekussi)muda mai dili (±1700).iha tempu neʹeba dili nuʹudar bairu kiʹik ida neʹebe okupa husi ema mambae sira.Iha tempu neʹeba duni malae portages sira la halo interasaun ho mambae tanba malae mutin sira hatene koʹalia deʹit sira nia dalen no mambae-oan sira mós no hatene deʹit sira nia lian.HO razaun ida-neʹe  malae mutin sira hakbesik ba liurai mambae sira atu bele kria dalen ida neʹebe hetan influensia boot tebes husi dalen portagés.Atu nuneʹehusi parte rua neʹe(entre malae mutin no timoroan)bele uza hamutuk hodi halaʹo interasaun ka komunikasaun lorloron no sira hotu komprende nia signifigadu maske seidauk domina dalen neʹe.dalen ida neʹe mak hanaran dalen franka.

 Funsaun dalen franka mak hanesan tuir mai neʹe:

·         Nuʹudar meiu ida ba timoroan tomak hodi uza halaʹo komersiu lokál (dalen komersiu).Liu dalen franka,timoroan munisipiu sanulu resin tolu bele halo negosiu uza deʹit dalen tetun.Sira idaidak husik hela dialetu lokál.uza lisuk dalen tetun hodi kria kondisaun negosiu nia ida neʹebe diʹak entre makfaʹan no maksosa sira.

·         Nuʹudar empriaun hodi kria unidade ba timoroan(dalen unidade nian).Tetun nuʹudar meiu ida hodi kria unidade ba timoroan husi jako toʹo oekusi tasi mane toʹotasi feto,uza dalen neʹetetun hodi komunika ba malu iha moris lorloron liu husi atividade serbisu nian iha merkadu,servisu-fatin,fatin públiku NST.Desenvolvimentu tetun nuʹudar dalen franka hahu laʹo makaʹas,bainhira liu tiha akontesimentu funu boot mundu nia ba daruak.hahu husi tempu neʹe timor oan barak tebtebes hatene koʹalia tetun  neʹebe hetan influnsia husi portagés makaʹas tebtebes(tetun dili)sai fali dalen timor lorosaʹe nia neʹebe hanaran lian veikular entre tinan1945-1975 matenek barak(linguista)husi timor no rai seluk sira estuda I hakerek dalen tetun ho vizaun atu desenvolve maske hetan obstákulu oioin.

3.      TETUN NUʹUDAR DALEN NASIONÁL.

Bazeia ba tetun nuʹudar dalen franka liu husi lalaʹok naruk hodi dezenvolve dalen sai hanesan lia nasionál sientifiku iha nasaun timor leste .liuhosi tempu naruk lalaʹok tetun sai dalen istóriku ba nasaun timor  tetun nuʹudar dalen istóriku ba povu timor lori tempu no liu husi prosesu naruk hahu hodi traduz biblia sagrada husi latin mai tetun toʹoiha luta resisténsia nian mós kontinua uza instrumentu ka meiu ba administrasaun hodi infrenta problema polítika timor nian hasoru ditatór soeharto ho nia rezime tomak.ho razaun hirak-neʹe foo kbiʹit ba dalen tetun sai hanesan dalen nasionál neʹebe hetan fatin no konsakra iha ˝konstituisaun Repúblika Demokrátika Timor Lesteˮartigu 13 razaun seluk partidu fretelin konsagra ona iha sira nia manual polítika 75 nia hodi hanorin ba nia militante sira nuʹudar dalen nasionál hatudu ba ita katak ˝dalen povu tomak no nasaun tomak timor leste nian tan neʹe ita hotu tenta atu uza iha vida moris lorloron nian liu husi atividade oioin.

     Nia funsaun mak hanesan tuir mai neʹe:

·         nuʹudar dalen nasionál ,tetun kria unidade ba povu munisipiu sanulu- resin-tolu.

·         haman no hakbiit nia matadalan sira husi dialetu oioin atu domina tetun kleʹan liu,liu husi esforsu no hakas-an estuda dalen nia regra sira no ho nia mudansa tomak;

·         hasaʹeprestizu dale nasionál nuʹudar patrimoniu kulturál  nasaun nian neʹebe hatudu identidade própriu povu timor nia ba mundu rai-klaran;

·         Tetun nuʹudar identidade hodi hatudu nasaun timor leste ba mundu internasionál.

4.      Tetun nuʹudar dalen ofisiál.

Tetun nuʹudar dalen ofisiál ba nasaun timor leste,katak valorize liu tan ka hasaʹenia nivel.liu husi nivel ida-neʹe hatudu razaun kleʹan mai ita matadalan sira katak˝iha ita nia moris lorloron nuʹudar sidadaun indepedente sente orgullu no fo onra ba ita nia dalen nuʹudar patrimoniu kulturál  sai dalen ofisiál  nasaun nian.Nia funsaun nuʹudar dalen ofisiál hanesan tuir mai neʹe:

·         Nuʹudar meiu komunikasaun ofisiál nasaun timor leste nian;

·         Nuʹudar meiu hodi halaʹo administrasaun públika nasaun nian;\

·         Nuʹudar dalen sietifiku hodi dasenvolve siésia no teknologia no kultura nasaun neʹe nian.

Meiu ba desenvolvimentu dalen tetun.

Nuʹudar dalen hodi dezenvolve dalen tetun  ba povu timor mak hanesan tuir mai neʹe:

1.      Aristokrasia lokál;

2.      komersiu /negosiu lokál(tradisionál);

3.      Dalen portugés;

4.      Doutrina katólika;

5.      Luta resisténsia;

6.      Liuhosi aprende dalen nuʹudar siénsia husi kursu oioin.

Tamba sá mak tenke desenvolve dalen tetun?

Nuʹudar interese nasionál ba povu timor lesteatu dezenvolve tanba tetun sai hanesan:

1.      Patrimóniu kulturál nasaun no povu timor leste nian;

2.      Identidade nasionál;

3.      Dalen nasionál.

BAZE HODI DEZENVOLVE DALEN TETUN.

Nuʹudar baze atu dezenvolve dalen tetun iha tempu daudaun neʹe ba oin tolu:

1.Baze Konstituisionál

 Hahu ba konstituisionál RDTL.parte I kona ba prinsupiu fundamental ninia artigu 13 kona-ba dalen ofisiál no dale nasionál ho versu:

      1.Tetun portagés nuʹudar dalen legal ka ofisiál nasaun timor leste RDTL.

      2.Governu sei fo konsiderasaun ba dalen tetun no dalen rai nain selseluk  iha dezenvolvimentu nia laran.

       No parte ǁ kona ba diritu,obrigasaun no garantia privadu ho nia tituluǁ kona ba diritu no obrigasaun ekonomia,sosiál  no kultura,nia artigu 60 kona ba direitu intelektuál:Nasaun fo garantia no hamahom formasaun,produsaun no negosiasaun ema idaidak nia produsaun intelektuálidade obras literária no arístika inklui hamahun direitu krisaun.

2. Baze Dekretál

Hahu ba dekreitu lei governu RDTL,liu husi konsellu ministru númeru 1/2004 14 fulan abril 2004 kona-ba padraun ortografia dalen tetun neʹebe públikadu iha jornal Rebúblika série ǀ no.5 14 fulan-abril 2004(Pag.417)liu husi reitór UNTL Benzamin de araújo ecortereal nia intervensaun iha jornál nasionál  súmariu No.0032(21 de agustu 2004/12)simu ofisiálmente katak ortografia padronizada nuʹudar sistema fónemiku ˝promovidu,administrasaun husi INLˮ

3.      Baze Siéntifika

Signifigadu katak halaʹo atividade estadu kona-ba dezenvolvimentu dalen tetun tuir kriteira signifika linguístika nian ho sistema tolu:

A.    Sistema uniforme:katak ita hakerek liafuan hotu-hotu ho oin ida deʹit. sistema neʹe fo- hanoin ba ita atu labele hakerek tuir ita ema ida-idak nia gostu,maibé tuir banati ida.Banati neʹe mak nuʹudar  ita-nia padraunhakerek nian.Sistema neʹe mós esplika ba ita katak labele hakerek tuir ortografia portugés,ortografia ingles, ka ortografia indonézia no mós keta hakerek tuir  dialetu oioin iha timór laran nia hakarak.

B.     Sistema  lasala: katak fó ba liafuan ida-idak hakerek liafuan ida neʹebe haleno liafuan neʹe nia son.Sistma neʹesplika mai ita katak letra sira neʹebe ita hakerek iha dalen tetun nia laran simpolu ida haleno deʹit son ida˝leta /s/ˮhusi hakerak liafuan˝sosaˮson/s/ maibé liafuan barak mai husi lian  dalen portugés hakerek ho oin ida, nia son seluk fali n.u˝casaˮsignifika uma liafuan neʹe hakerek ho /c/nia pronúnsia hamosu /k/no mós /s/hamosu son /z/.Sistema ida neʹe dalen tetun la rekoñese ,tamba sistema sira hanesan neʹekria hakerek oin ida no heteten sai oin seluk.Sitema ida neʹe mak hanaran sistema fonétika.

C.     Sitema fonémika:katak sinál,simpolu ka fonema idaidak iha nia son rasik.Lihu husi sitema neʹe, itabele hatan esplikasaun klaru katak dalen hotu-hotu iha mundu raiklaran inklui tetun mós iha estrutura ida- neʹebe nakfahe ba fonema ka son básiku oioin.hakerek tuir banati fó ba fonema  idaidak sinál ida deʹit.Karik kompara ho dalen portugés ita uza sistema la hanesa tamba iha dalen portugés sinál iha son rua.Tan neʹe sira uza sistema fonétiku.Liu husi komparasaun sistema dalen nian badak neʹe hamosu ona konseitu ida ba ita atu komprende sistema rua neʹe nia sentidu.

ORTOGRAFIA

Ortografia nuʹudar parte ida husi gramátika neʹebe hanorin ho maneira lolos hodi deskreve liafuan.Área ortogrfia nian mak hanesan˝alfabetu sinál hakerek nian,regra asetuasaun,oinsá exprime vogál no konsuante sira,direvasaun siláika tranlineasaun,relasaun fónetika no gráfika entre liafuan.uza letra maiskula hahu fraze no pontuasaun.

     Ortografia dalen tetun kria hahu husi tinan 1874 husipadre Sebastião maria apariciu da silva.Liu tinan sanulu-resin-lima(1889)makfoin públika obra importate rua: disionáriu portugés-tetun no gramáika dalen tetun. Amululik dehan iha nia livru katak tetun oin-ketak ho portugés tan neʹe labele hakerek lia portugés nia regra ka nia ortografia.Tamba neʹe nia halo ortografia keta ba lia- tetun. Obra ida neʹe sei hatutan husi señor Rafael das dores iha(1907)  no padre Manuel patricio mendes no padre Manuel mendes laranjeira iha tinan(1934). Iha dekáde tinan 80 no 90 linguista timoroan no rai selseluk hadia no dezenvolve tan ortografia neʹebe padre Sebastião hosik hela. Ikus liu ekipa linguista ida neʹebe serbisu hamutuk ho UNTL nia halaʹo  knaar boot ortografia padronizada. Liu tiha tinan 129 mak foin ita uza. Bazeia ba obra ortografia nian neʹebe kria husi padre Sebastião, INL dezenvolve sai ortografia-padraun dalen tetun nasionál no ofisiál.

         Pozisaun tetun sai dalen franka hahú konzolida dezde  husi prezensa misionáriu sira iha timór. Misionáriu sira mós prosede prekosentemente hekerek tetun no halo públikasaun sira hanesan tuir mai neʹe: 1. katesizmu badak no orasaun ba lor-loron-1907; 2. Rezumu husi istória badak portugés no tetun-1908;3. Disionáriu portugés-1900 no portugés  tetun-1889;4. Kartilla tetun-portugés-1916;5. Testu iha tetun ba literatura orál timorense-1961.

         Durante tinan 24 iha okupasaun indonézia nia laran,dalan ofisiál okupante nian mak tau iha funsionamentu.Hanesan indonézia bandu búbliku uza dalen portugés,padre sira husi hela uza iha pregasaun no fó hakat hodi prega tetun.Don Martinho lopes,Bisbu timor nian,resolve husu ba kongregasaun Ritu nian aoturiza atu selebra liturjia iha dalen tetun.Dioseze Dili harii komisaun hodi tradús testu sira,nuʹudar membru neʹebe ativu liu mak padre Albertu Ricardo da silva,bisbu dilioin loron nian hamutuk ho nia kolega sira konsege kompleta lalais serbisu neʹe, no aprova tiha husi roma iha loron 7 fulan-abril  1981;liu tiha neʹe,iha tempu badak tuir mai Dioseze Dili hanorin hafae polikopiadu sira neʹe ba territóriu tomak no misa hahu selebra kedas iha dalen povu nian neʹe.

                           VANTAJEN NO DESVANTAJEN

Vantajen mak agora dadaun tetun nuʹudar dalen ofisiál no nasionál ba nasaun timor leste no sai nuʹudar identidade kultural  nasaun timor leste nian ohin loron mós ita uza tetun hodi implementa iha edukasaun hodi hanorin ho lian tetun no mós populasaun barak uza ona dalen tetun iha komunikasaun diária.

Desvantajen mak seidauk dezenvolve diʹak iha infrastrutura lia tetun hodi hanorin iha eskola no sei lori tempu barak hodi traduz siénsia oioin ba tetun,no agora mósema balun seidauk hatene koʹalia tetun no hakerek dalen tetun tamba husi sira nia eskola  mestre sira hanorin deʹit ho lia materna no governu mós seidauk fo importansia maksimu ba iha dalen tetun.

·         konklusaun

Konklusaun husi hakerek ida neʹe mak oinsá ita bele hakerek lia tetun ho sistema neʹebe iha no oinsá mó ita bele dezenvolve diʹak liu tan ita nia dalen tetun husi rai liur no rai-laran liu-liu iha ita nia rai doben timor leste neʹe.

·         Lian mak taka

NaʹI iha biban kmanek ida neʹe haʹu husu obrigadu ba ita boot tamba ita boot akompaña haʹu iha nia prosesu halo traballu ida neʹe toʹo hotu,haʹu husu nafatin ba ita boot atu akompaña haʹu nafatin iha haʹu nia prosesu estudu neʹe atu haʹu bele atinje haʹu nia mehi iha loron abanbainrua,tamba ITA boot mak matenek hotu nia naʹin.