		Segunda	Tersa	Kuarta	Kinta	Sesta
D A D E E R	1	Abertura Atividade conjunto: Sentidus	Velocidade I: Quantidade ho unidade complexo Medir a velocidade do movimentu da uma pessoa.	Fogete: Acceleraҫão e movimiento Construir e lanҫar o fogete.	Movimentu circular: Velosidade retilíneo e circular Roda de bicicleta	Leis de Newton: Premeira, Segunda
D A D E E R	2	Sentidus Cont. Discusҫão sobre os metas do treinamento e o plano ba duas semanas	Velocidade III: Mida a velocidade Juntos com a aceleração.	Cont. Fazer grafico	Cont. Medir a volocidade da roda de bicicleta	Cont. Terceira Ezemplu de vida quotidiana. Fazer diagrama de forҫa.
L O R A I K	3	Atividade conjunto: O homen e a vela (Descobrir rasik husi pratika)	Cont. Fazer grafico	Cont. Medir da altura utilizando o inclinometro.	Cont. Pedra amarada com corda.	Forҫas: Construir e calibrar de dinamometro. Medir o peso dos corpos que nos rodeiam.
L O R A I K	4	Mida (com os unidades formal e informal)	Velocidade II: Medir a velocidade dum berlindo lanҫado dum plano inclinado.	Cont. Medir o tempo da lanҫamento para calcular a velocidade média e altura do fogete	Cont. Kalén-matan nakdulas	Maquinas simples: Introduҫão Alavanca

Semana II

		Segunda	Tersa	Kuarta	Kinta	Sesta
D A D E E R	1	Cont. Plano inclinado, Fazer grafica	Fontes da energia iha Timor Analiza dadus	Hydrostatica Experiências simples sobre presaun.	Magnetismo e eletricidade (12°) Iman Fazer eletro-iman	Energia Radiaҫão solar Fogão solar, simples, modelo.
D A D E E R	2	Cont. Roldana	Kareta Oan: Da energia potencial a energia kinetika Construir da carreta com liga	Construir a Proveta de garrafa Problema de pedra dentro de barco	Observando da campo eletromagnetico	Avaliaҫão, Ceremonia de despedida
L O R A I K	3	Fricҫão Botir esfregar no piso	Cont. Competir e medir de velocidade média.	Lei de Archimedes (11°) Comparaҫão entre solidos de diferentes densidades	Actividade juntus que focus na pedagogía no praticalidades dela sala de aulas. Fermentação	Volta
L O R A I K	4	Coordinadas geográficas Construir de globo de um balaun. Determinar as coordinadas dos various lugares do mundo.	Cont. Analizar resultados, fazer grafica. Compara com outras fontes da energia.	Cont. Archimedes	Cont. Fermentação

Lei da ação – reação

Objectivo : Para compreender a lei da ação – reação.

Experiência #1

Material

a. Balão de borracha

b. Fita adesiva

c. Chupadeira

d. Corda (fio comprido)

Procedimento

1. Enche-se um balão de borracha com ar e, com fita adesiva, prende-se a uma chupadeira, lateralmente.

2. Passa-se um fio comprido pela palinha, e dois estudantes seguram na sua extremidade ou, pode fixar um extremidade.

3. Larga-se o balão e observa-se o seu movimento.

4. Analise o movimento.

Experiência #2

Material

a. Garrafa com tampa (Aqua 25 centavos)

b. Prego.

c. Fita adesiva

d. Chupadeira

e. Corda (fio comprido)

f. Álcool de <60 %

g. Esquero ou fósforo e vela

Procedimento

1. Faz um pequeno furo na tampa de garrafa com prego e, com fita adesiva, prende-se a uma chupadeira, lateralmente

2. Passa-se um fio comprido (corda) pela palinha, e fixar (atar) um outro extremidade.

3. Enche a garrafa com ±15 ml de álcool e tapar com a sua tampa, depois agitar a garrafa por 1 minuto.

4. Quima na parte da tampa de garrafa, e observa-se o seu movimento

5. Analise o movimento

Explicação

Na Terceira Lei de Newton, ou lei da ação – reação, se um corpo exerce uma força sobre outro, este reage, exercendo uma força sobre o primeiro direcção e intensidade iguais mas de sentido oposto.

Assim, nesse experiência, a ação é o ar sai para tras, e a reação é a balão se movimenta para em frente.

Na segunda experiência, quando nos quiemarmos o álcool, o álcool liberta a energia, e esse energia sai através do pequeno furo da tampa e, que resulta a garrafa movimentar se para frente e tem sentido oposto da libertação de energia.

A direção e intensidade da força que lança o ar para fora do balão e a força do ar sobre o balão são iguas. O que diferente é o sentido do movimento da balão e a saída do ar. A força que lança o ar para fora é a força elástica do balão.

Também como a segunda experiência. A reação combustiva produs os gases e, cria um grande pressão dentro da garrafa e depois liberta esses gases pelo pequeno furo como uma ação. Esse ação resulta uma reação onde faz a garrafa deslocar para frente.

Radiasaun

Lisaun hasoru desafiu: Halo nabeen plastiku

Teoria basika:

Loro fo manas ba rai klaran liu husi radisaun. Nia la bele fo manas liu husi konvesaun ka kondusaun tanba espaço mak mamuk – la iha anin, la iha buat ida. Nune’e, radiasaun deit bele liu. Rai-klaran simu radiasaun iha sorin ne’ebé loro kona. Se uza lalenok, ka buat seluk atu halo naroman reflete, bele halo fatin ida manas liu.

Koko took:

Loro matan nia manas bele halo nabeen plastiku saku nian ka lae?

Sasan ne’ebé presiza:

· Lalenok kiikoan 6 ka liutan

· Plastiku saku mutin

· Plastiku saku metan

· Surat-tahan aluminiu (husi susuben ka dose nia fatin)

· Loro matan

Atu halo:

1. halo loron nia lalatak ba plastik mutin ka metan ho lalenok 2, haree tok bele halo nabeen plastiku saku ka lae.

2. Koko fali ho lalenok 4

3. Koko fali ho lalenok 6 ka liutan

4. Koko mos la uza lalenok maibe uza deit surat tahan aluminiu

Lilin Iha Botir Laran

Uza botir hodi doku lilin no aprende kona-ba anin.

Sasán ne’ebé estudante atu lori:

lilin
ai-kose
botir Aqua ho ninia matan
bikan ka manko
bee
tudik
lata
balaun
borraxa

Sasán ne’ebé mestre atu lori:

(Mestre lalika lori sasán espesiál.)

Tamañu grupu nian: estudante na’in 2 – 4

Atu halo:

Iha esperimentu lima. #1:

1.Halakan lilin no hatur ba meza ka rai.

2. Doku lilin ho botir Aqua. Hein no observa sá mak mosu.

Baibain lilin-lakan sai kiik no tuirmai mate.

3. Hasai botir, halakan fali lilin, no doku fali ho botir. Haree sá mak mosu.

Baibain lilin mate kedas.

4. Halo dala barak tan. Buka komprende tanbasá esperimentu sai nune’e.

5. Huu iha botir nia ibun, no hisik botir ba-mai.

6. Hasai botir, halakan fali lilin, no doku fali ho botir. Haree sá mak mosu.

Baibain lilin lakan kleur, hanesan de’it dala primeiru.

#2:

1. Halakan lilin no hatur ba botir Aqua nia matan nia laran.

2. Hatama lilin iha botir nia laran no hadulas metin matan. Hein no observa sá mak mosu.

Baibain, lilin lakan kleur, tuimai mate, no tuirmai, botir sai nakbetek. Se hein uitoan, dala ruma bele haree “kosar” ka mahon-been iha botir lolon laran.

Halo fali.

1. Halakan lilin no hatur ba bikan laran. Enxe bee to’o bikan besik nakonu.

2. Doku lilin ho botir Aqua. Botir nia ibun tenke tau iha bee nia okos. Hein no observa didiak sá mak mosu.

3. Hasai botir, huu iha botir nia ibun no hisik botir ba-mai, tuirmai halo fali dala rua ka tolu. Buka komprende tanbasá esperimentu sai nune’e.

Baibain buat tolu mosu:

#1: Bainhira foin tau botir Aqua nia ibun iha bee nia okos, bele haree bee nafurin hanesan nakali. Tuir loloos, bee la’ós nakali – anin husi botir nia laran sai husi botir nia ibun, sa’e iha bee nia laran, no halo bee nafurin.

#2: Lakleur, bee hahú sa’e iha botir nia laran – botir xupa bee tama iha ninia laran.

#3. Tuirmai, lilin mate no bee barak sa’e. Se hein uitoan, dala ruma bele haree “kosar” iha botir lolon laran.

#4:

1. Halo kuak boot uitoan iha botir ninia lolon besik kidun, hanesan foto iha sorin:

2. Halo fali esperimentu #1, maibé uza botir ho kuak. Hein no oberva sá mak mosu.

Baibain, lilin lakan nafatin.

#5: (hanesan de’it iha esperimentu “Atmosfera Hanehan Lata.”)

1. Tesi balaun iha klaran, tuir foto iha sorin:

2. Tau balaun iha lata nia matan no kesi metin ho borraxa. Uza lilin atu halo manas lata. Observa sá mak mosu.

Sá mak mosu?

Tanbasá lilin mate? Tanbasá lilin mate kedas bainhira halo fali esperimentu #1? Tanbasá depois huu iha botir nia laran no hisik botir ba-mai, lilin lakan kleur fali? Tanbasá lilin ne’ebé tau iha botir ne’ebé taka metin bele halo botir ne’e sai nakbetek? Tanbasá lilin ne’ebé lakan bele dudu sai anin husi botir nia laran, no depois xupa bee tama iha botir nia laran? Tanbasá bainhira halo kuak botir, lilin bele lakan nafatin? Tanbasá balaun ne’ebé tau iha lata nia ibun sai boot bainhira halo manas lata?

Atu lakan, naran ahi ida presiza buat tolu: manas, oksijéniu, no buat ruma atu han. Nu’udar ezemplu, lilin ne’ebé seidauk lakan iha ona parafina atu han no oksijéniu, no bainhira hakbesik ai-kose ka lilin seluk ne’ebé lakan, nia simu manas no lakan. Se ahi mate, ne’e katak nia lakon buat ida entre buat tolu ne’e.

Botir mamuk, tuir loloos, la’ós mamuk: nia nakonu ho anin. Anin nia kompozisaun mak gás oin barak. Barak liu mak nitrojéniu (≈ 78%) no oksijéniu (≈ 21%). Mós iha argonu, karbonu dióksidu, héliu, etc.

Bainhira lilin lakan, mosu reasaun kímika. Oksijéniu husi anin no parafina husi lilin kahur hamutuk atu halo karbonu dióksidu, bee gás, no manas.

Bainhira doku lilin ho botir, lilin sei bele lakan tanba iha oksijéniu iha botir nia laran. Maibé iha uitoan de’it. Bainhira lilin uza hotu ona oksijéniu ne’ebé hela iha botir nia laran, nia mate.

Se hasai fali botir, halakan fali lilin, no doku fali lilin ho botir, oksijéniu foun seidauk tama iha botir nia laran. Nune’e, lilin labele lakan iha botir nia laran. Maibé, se hasai botir, huu iha ninia ibun no hisik nia ba-mai, anin foun ho oksijéniu tama iha botir nia laran. Tuirmai bainhira taka doku fali lilin ho botir, lilin bele lakan kleur molok nia mate. Ne’e mak esperimentu #1.

Iha esperimentu #4, lilin bele lakan nafatin tanba nia simu nafatin oksijéniu foun husi botir li’ur. Mós, karbonu dióksidu ne’ebé lilin halo sai husi botir nia kuak ba li’ur.

Iha esperimentu #2, hanesan de’it iha esperimentu #1, lilin mate bainhira nia uza hotu ona oksijéniu ne’ebé iha botir nia laran. Reasaun ne’ebé uza parafina no oksijéniu halo bee gás no karbonu dióksidu. Bee gás ne’ebé lilin fó sai mak manas – tanba ne’e nia mak gás. Lakleur nia sai fali malirin, no troka fali ninia forma to’o been [cair]. Dala ruma bele haree bee been ne’e hanesan “kosar” iha botir nia didin lolon nia laran.

Bainhira gás ruma sai fali been, ninia volume sai kiik dala 1000. Tanba ne’e, volume anin nian iha botir nia laran hamenus, no presaun [tekanan] iha botir nia laran mós hamenus. Presaun ne’e kiik liu presaun atmosfériku (ne’ebé sempre hanesan), no tanba ne’e presaun atmosfériku bele dudu botir nia didin lolon atu halo nia sai nakbetek.

Fatór ida tan mosu iha esperimentu #2. Bainhira foin hatama lilin iha botir nia laran, nia halo anin iha botir sai manas. Anin ne’ebé sai manas nia volume sai boot. Bainhira anin nia volume sai boot, nia sai husi botir nia laran. Tanba ita presiza segundu [detik] balu atu dulas botir nia matan metin, anin balu bele sai husi botir. Tuirmai, bainhira lilin mate tiha, anin sai fali malirin, no mós sai fali kiik. Iha momentu ne’e, botir matan taka metin no anin husi li’ur la bele tama. Tanba ne’e, presaun iha botir sai kiik. Presaun atmosfériku, ne’ebé boot liu, bele dudu botir lolon atu halo nia sai nakbetek.

Esperimentu #5 prova [membuktikan] fatór ne’e – bainhira anin iha botir nia laran sai manas, ninia volume sai boot, no balaun sai boot.

Iha esperimentu #3, ita bele haree anin sai husi botir nia ibun bainhira nia foin tama iha bee nia laran. Ne’e tanba bainhira lilin lakan nia halo gás barak: karbonu dióksidu no bee gás. Lilin nia lakan mós halo manas anin ne’ebé iha botir nia laran. Tanba ne’e anin ne’ebé iha botir laran nia volume sai boot, no tenke sai husi botir nia ibun. Bainhira tau botir nia ibun iha bee nia okos, anin sa’e entre bee.

Lakleur, gás la sai ona husi botir, maibé bee tama. Ida ne’e komplikado uitoan, maibé importante mak bee gás ne’ebé sai husi reasaun atu troka fali bee been. Hanesan de’it iha esperimentu #2, bee nia volume sai kiik dala 1000, no presaun iha botir nia laran hamenus. Presaun atmosfériku dudu bee iha bikan sa’e iha botir nia laran.

Fatór rua tan mosu iha esperimentu #3. Ida mak hanesan de’it iha esperimentu #2. Bainhira anin ka naran gás ida sai manas, ninina volume sai boot. Bainhira nia sai fali malirin, ninia volume sai fali kiik. Bainhira lilin lakan, anin iha botir nia laran manas, no bainhira nia mate, anin ne’e sai fali malirin. Bainhira anin sai malirin, ninia volume sai kiik no halo presaun iha botir sai kiik. Nune’e, fatór ne’e mós halo presaun atmosfériku dudu bee iha bikan sa’e iha botir nia laran.

Fatór ikus mak kona-ba gás ne’ebé halo solusaun [larutan] ho bee. gás bele tama iha been nu’udar solusaun, hanesan de’it masin-midar bele tama iha bee nu’udar solusaun. Nu’udar ezemplu, ikan uza de’it oksijéniu ne’ebé iha solusaun ho bee tasi. gás oioin la halo solusaun hanesan de’it. gás karbonu dióksidu halo solusaun diak liu gás oksijéniu. Nune’e, bainhira lilin nia lakan halo oksijéniu barak sai fali karbonu dióksidu, karbonu dióksidu ne’e tama barak iha bee nia laran. Karbonu dióksidu ne’ebé tama iha bee nia laran lakon ona husi anin iha botir nia laran, no tanba ne’e presaun iha botir laran sai kiik. Nune’e, presaun atmosfériku dudu bee iha bikan sa’e iha botir nia laran.

Ligasaun ba moris:

Atu hamate ahi, tenke halakon buat ida entre buat tolu ne’ebé nia presiza: manas, oksijéniu, no buat ruma atu han. Nu’udar ezemplu, bainhira ema hakarak hamate ahi ne’ebé nia uza atu tein, nia hasai ai no ahi mate. Mós, se fakar bee iha ahi, ka huu lilin, ne’e halakon ahi nia manas, nune’e nia mate. Iha esperimentu ne’e, ita halakon oksijéniu, no ahi mate.

“Kosar” ne’ebé bele haree iha botir nia laran hanesan de’it mahon-been. Bainhira loron manas, bee gás barak tama iha anin nia laran. Ne’e naran evapórasaun. Tuirmai, bainhira kalan, rai sai malirin. Bainhira bee gás ne’ebé iha anin nia laran kona-ba rai ne’ebé malirin, nia troka fali ninia forma husi bee gás ba been. Ne’e naran kondensasaun [kondensasi], no halo mahon been ne’ebé ita bele haree dala ruma iha dadeer san.

Velosidade I

Sura ema halai nia velosidade [kecepatan].

Sasán ne’ebé estudante atu lori:

(Estudante sira lalika lori sasán espesiál.)

Sasán ne’ebé mestre atu lori:

metru-fita
stopwatch

Tamañu grupu nian: estudante na’in 4 – 6

Atu halo:

1. Mestre esplika katak atu sura buat ruma nia velosidade, presiza sukat distánsia ida, no mós sura tempu ne’ebé buat ne’e presiza atu halai distánsia ne’e.

2. Grupu hotu tenke foti metru-fita ida no stopwatch ida. Mestre tenke hatudu ba estudante sira oinsá uza stopwatch – hahú, para, no fila ba zero. Hatudu didiak atu la iha konfuzaun.

3. Estudante sira lori stopwatch, metru-fita, no kadernu hafoin ba li’ur. Grupu ida-idak sukat distánsia 20 metru. Halo “liña hahú” iha fatin 0, no “liña para” iha fatin 20 metru.

4.Ema ida kaer stopwatch no hamriik iha “liña para.” Ida seluk hamriik iha “liña hahú,” prontu atu halai. Ema ne’ebé kaer stopwatch dehan “Halai!” no komesa stopwatch. Ema seluk halai.

5. Bainhira ema ne’ebé halai ba to’o “liña para,” ema ne’ebé kaer stopwatch halo para stopwatch. Ema ne’ebé kaer stopwatch dehan ba ida ne’ebé halai ninia tempu halai. Ema ne’ebé foin halai hakerek ninia tempu iha kadernu.

Se iha tempu, ema bele la’o no sura ninia tempu la’o.

6. Tuirmai, ema ida-idak iha grupu nia laran halai no hetan ninia an nia tempu halai. Bainhira ema hotu halai no hatene sira nia tempu, bele fila ba sala.

7. Mestre pinta tabela ne’e iha kuadru, no estudante sira pinta tuir:

distánsia halai	20 m
tempu halai	s

8. Dehan ba estudante sira katak, se iha distánsia ida no tempu ida, bele hetan velosidade ida. Velosidade nia unidade [satuan] sempre iha baluk rua: unidade ba distánsia iha leten, no unidade ba tempu iha kraik.

9. Iha esperimentu ne’e, ita uza mak unidade metru ba distánsia no segundu [detik] ba tempu. Nune’e, ita bele tau unidade rua ne’e hamutuk atu hetan unidade “metru/segundu” ba velosidade. Unidade ne’e katak “metru hira iha segundu ida nia laran.”

distánsia

________________________

tempu

[metru]

________________________

[segundu]

10. Atu hetan velosidade ho metru/segundu, presiza fahe distánsia ne’ebé halai ba tempu ne’ebé gasta ba halai. Nune’e, fahe 20 m ba tempu ne’ebé hetan ho stopwatch, no hakerek iha tabela. Nu’udar ezemplu, se presiza 6.4 segundu atu halai 20 metru, 20/6.4 = 3.1 m/s. Ne’e katak ema ne’e bele halai 3.1 metru iha segundu ida.

11. Ikus, bele troka fali velosidade husi unidade m/s to’o unidade km/oras. Atu halo, tenke halo fórmula hanesan ne’e:

Tuirmai, hatama velosidade ho unidade m/s iha sorin karuk no dala 60 ba 60 no fahe ba 1000 atu hetan velosidade ho unidade km/oras. Bainhira hetan ona, hakerek iha tabela. Nu’udar ezemplu, se velosidade mak 3.1 m/s, 3.1x60x60:1000 = 11.1 km/oras.

12. Ikus liu, mestre halo diskusaun kona-ba velosidade boot no kiik, no unidade oioin.

Sá mak mosu?

Saida mak velosidade?

Bele esplika velosidade simples de’it, ho lian Tetum: “Se buat ruma halai lalais ka neineik.” Velosidade boot katak nia halai lalais. Velosidade kiik katak nia halai neineik.

Velosidade, hanesan densidade [masa jenis], aselerasaun [percepatan], forsa [gaya], presaun [tekanan], enerjia, no buat barak tan, mak kuantidade ne’ebé uza unidade kompleksu. Ne’e katak nia iha unidade rua, ka liutan, iha ninia laran. Velosidade iha metru ba distánsia no mós segundu ba tempu. Aselerasaun iha metru no mós segundu rua (m/s²). Densidade iha kilogram no litru (kg/l). Unidade hanesan ne’e susar uitoan atu komprende.

Iha esperimentu ne’e, estudante sira sukat distánsia no sura tempu ne’ebé sira presiza atu halai distánsia ne’e. Ho númeru rua ne’e, estudante bele hetan ninia velosidade. Bainhira hetan velosidade ho metru/segundu, bele mós troka ba kilómetru/oras.

Ligasaun ba moris:

Estudante bele halo komparasaun entre sira nia velosidade ho motór ka karreta nia velosidade. Motór no karreta baibain halai 30 km/oras iha sidade nia laran, no 60 km/oras iha estrada diak ne’ebé ba sidade seluk. Baibain ema bele halai 20 km/oras. Aviaun kiikoan bele semo 200 km/oras. (Atu hetan informasaun tan, haree lisaun “Velosidade II.”)

Velosidade II

Sura berlindus nia velosidade [kecepatan] halai.

Sasán ne’ebé estudante atu lori:

berlindus: 3
hudi-tahan naruk
fatuk kiik: 2

Sasán ne’ebé mestre atu lori:

stopwatch
metru-fita

Tamañu grupu nian: estudante na’in 4 – 6

Atu halo:

1. Mestre esplika katak velosidade mak distánsia fahe ba tempu, no atu sura buat ruma nia velosidade, tenke sura distánsia ruma no tempu ne’ebé buat ne’e presiza atu halai ba to’o distánsia ida ne’e. Mestre mós tenke esplika didiak ba estudante sira oinsá uza stopwatch – hahú, para, no fila ba 0.

2. Mestre pinta tabela ne’ebé tuir iha kuadru, no estudante sira pinta tuir.

	badak ≈10 cm	nato’on ≈ 25 cm	aas ≈ 50 cm
tempu berlindus #1
tempu berlindus #2
tempu berlindus #3
total
tempu média [rata-rata]
velosidade ho m/s (2 metru/tempu média)
velosidade ho km/hr

3. Grupu ida-idak sadere hudi-tahan ba kadeira ka meza. Tahan nia rohan leten nia aas tenke mais ou menus 50 cm. Berlindus sei monu tun iha hudi-kain. Haree foto iha leten.

4. Grupu ida-idak sura 2 metru husi hudi-tahan nia rohan kraik ba oin, no marka liña ka tau fatuk kiik rua ba sorin-sorin. Berlindus atu halai to’o liña ne’e.

5. Primeiru hamonu berlindus husi fatin badak. Sura mais ou menus 10 cm husi rai to’o hudi-kain. Marka hudi-kain iha fatin ne’e, no hamonu berlindus husi fatin ne’e.

6. Ema ida hamonu berlindus tolu husi fatin ne’e, no ida seluk sura tempu ne’ebé berlindus presiza hodi halai husi hudi-tahan nia rohan kraik to’o liña 2 metru. Hakerek iha tabela.

7. Hamonu fali berlindus husi nato’on (≈ 25 cm) no aas (≈ 50 cm). Hamonu berlindus dala tolu husi fatin hanesan. Sura berlindus tolu nia tempu, no velosidade.

8. Estudante ida-idak tenke buka tempu média [rata-rata], no hetan berlindus nia velosidade. Bainhira hetan velosidade ho metru/segundu [detik], hetan fali ho kilómetru/oras:

9. Mestre halo diskusaun hamutuk ho estudante sira kona-ba berlindus nia velosidade, no mós bele halo komparasaun ho motór ka karreta nia velesidade.

10. Mestre hatudu estudante sira oinsá halo grafiku ho rezultadu. Bele halo hanesan ida ne’ebé iha kraik: X mak velosidade, no Y mak aas husi ne’ebé berlindus monu.

Grafiku iha kraik halo tiha tuir rezultadu ezemplu sira ne’e:

aas (cm)	velosidade (cm/s)
0	0
10	0.7
25	1.6
50	2.8

Sá mak mosu?

Saida mak velosidade? Tanbasá berlindus ne’ebé monu husi leten ba lalais liu?

Velosidade mak kuantidade ida ne’ebé ita bele sura. Tetum iha liafuan diak ba velosidade boot: “lalais,” mós ba velosidade kiik: “neineik.” Maibé Tetum uza liafuan husi Portugés atu bolu kuantidade ne’e: “velosidade.”

Se buat ruma la’o lalais, ne’e katak atu halai ba distánsia ruma, nia uza tempu uitoan de’it. Hanesan, se buat ruma la’o neineik, ne’e katak atu halai ba distánsia ruma, nia uza tempu barak. Ho lian matemátika, ita bele dehan:

s = distánsia

t = tempu

v = velosidade

Iha esperimentu ne’e, s mak konstante: 2. Nune’e, se t kiik, v sai boot. Se t boot, v sai kiik.

Se buat ruma monu, nia halo aselerasaun bainhira nia tun, tanba forsa gravidade dada nia ba kraik. Se buat ruma monu husi aas, nia iha tempu barak atu monu, nia bele halo aselerasaun kleur, no nia hetan velosidade boot. Nune’e, berlindus sira ne’ebé hamonu husi aas baibain hetan velosidade boot liu (se esperimentu sai diak).

Bainhira berlindus ba to’o rai tetuk, sira nia velosidade mais ou menus konstante. Tuir loloos, sira nia velosidade hamenus uitoan tanba forsa friksaun [gaya gesekan], maibé ladún. Velosidade konstante ne’e mak buat ne’ebé ita sura iha esperimentu ne’e.

(Se mestre tetu berlindus, ita bele sura ninia enerjia iha fatin husi ne’ebé ita hamonu nia – uza fórmula ba enerjia potentsial: PE = mgh. Mestre mós lalika tetu berlindus atubele uza fórmula

no PE = mgh no hetan berlindus nia velosidade tuir teoria:

enerjia kinétiku (KE) iha kraik = enerjia potensial (PE) iha leten

= mgh

v² = 2gh

Se uza fórmula ne’e, ita bele hetan velosidade tuir teoria ba berlindus ne’ebé monu tun husi fatin ho aas h. Maibé, baibain velosidade ne’e lalais liu velosidade ne’ebé ita sura iha esperimentu ne’e. Ne’e tanba forsa friksaun ne’ebé sempre mosu entre buat rua ne’ebé kona malu. Atu hetan informasaun tan, haree lisaun “Forsa Friksaun,” no “Karreta-oan II.”)

Ligasaun ba moris:

Se ema hakarak ba to’o fatin dook, no lakohi gasta tempu barak, nia tenke ba ho velosidade boot. Baibain, ema bele la’o 4 km/oras, bisikleta bele la’o 10 km/oras, motór no karreta bele la’o 80 km/oras, aviaun komersial bele semo 700 km/oras, no fogete no satelite bele semo 30,000 km/oras. Velosidade boot liu mak velosidade naroman nian: 300,000 km/segundu (1,080,000,000 km/oras). La iha buat ida ne’ebé bele halai lalais liu naroman.

Fogete II

Halo no tiru fogete [roket] ho surat-tahan no botir Aqua atu aprende kona-ba forsa [gaya], presaun [tekanan], velosidade [kecepatan], no aselerasaun [percepatan].

Sasán ne’ebé estudante atu lori:

botir Aqua ho ninia matan
kanu loos (fafuluk ka besi):

naruk liu 30 cm

tudik
surat-tahan
borraxa

Sasán ne’ebé mestre atu lori:

goma
fita-kola
tezoura
mangeira: mais ou menus 30 cm
stopwatch

Tamañu grupu nian: estudante na’in 2 - 4

Atu halo:

1. Liga kanu ba mangeira. Uza tudik hodi halo kuak botir nia matan. Kuak nia luan tenke kiik liu mangeira nia luan atu hodi halu metin. Depois, hatama mangeira iha kuak. Se presiza, halo metin ho fita-kola.

2. Foti surat-tahan hodi bobar iha kanu. Nia la bele metin liu, no mós la bele longra liu. Halo belit surat-tahan ho goma. Depois hasai husi kanu.

3.Silu surat-tahan nia rohan ida atu sulan no tau goma tan. Bobar tutun ho borraxa. Halo tutun kroat hanesan fogete.

. Hatama kanu iha fogete nia rohan ne’ebé la bobar. Hanehan botir ho ain. Fogete semo sa’e.

**Labele tiru fogete ba ema!!**

Bele tiru ba leten, mós bele tiru ba oin. Bele halo kompetisaun: grupu ne’ebé nia fogete semo dook liu, aas liu, diak liu. Bele sukat fogete semo metru hira. Iha fogete nia tutun bele mós hatama fatuk kiikoan ida atu halo fogete nia tutun todan liu. Bele halo tan fogete oin seluk – mangeira naruk liu, botir kiik liu, kanu boot liu, etc. Bele mós foti stopwatch no sura fogete nia tempu semo atu hetan ninia aas.

Sá mak mosu?

Tanbasá fogete semo sa’e? Forsa mai husi ne’ebé? Iha fatin ida ne’ebé mak fogete semo lalais liu? Iha fatin ida ne’ebé mak neneik liu? Tanbasá nia fila ba rai? Tanbasá dala ruma fogete ne’ebé iha fatuk iha ninia tutun bele semo dook liu fogete ne’ebé la iha fatuk?

Bainhira ita nia ain hanehan botir, botir nia volume sai kiik. Nune’e, tuir fórmula PV=nRT, anin nia presaun iha botir nia laran sai boot. Bainhira presaun sai boot, anin hakarak sai husi botir nia laran. Anin bele sai husi fatin ida de’it: liu husi mangeira no kanu. Bainhira anin sai, nia mak dudu fogete. Nune’e, anin husi botir nia laran fó forsa ba fogete (dudu fogete) atu semo sai.

Bainhira fogete semo tiha ona husi kanu, anin husi botir la bele ona dudu fogete. Nune’e, ninia velosidade hahú hamenus. Bainhira fogete foin sai husi kanu, ninia velosidade boot liu. Bainhira fogete semo to’o fatin ne’ebé aas liu, ninia velosidade tun to’o zero. Tuirmai, ninia velosidade hahú aumenta fali, maibé ho diresaun seluk: ba rai. Orasida, ninia velosidade sai boot fali, no aumenta nafatin to’o fogete kona rai. Bainhira fogete atu besik kona-ba rai, ninia velosidade boot liu (hanesan de’it ninia velosidade bainhira nia foin sai husi kanu). Maibé bainhira fogete to’o ona rai, ninia velosidade hamenus kedas ba zero.

Aselerasaun katak velosidade troka, mós katak iha forsa (F=ma, Newton nia Lei #2). Fogete nia velosidade troka nafatin, husi ema hanehan botir to’o fogete fila ba rai. Bainhira anin husi botir dudu (fo forsa ba) fogete, nia iha aselerasaun ba leten. Maibé bainhira nia sai tiha ona husi kanu, nia hetan de’it forsa husi gravidade [gravitas]. Maski fogete sa’e ba leten, ninia aselerasaun ba kraik, tanba forsa ba kraik. Bainhira fogete kona fali rai, rai fó forsa boot ba nia, nune’e, ninia aselerasaun ba leten fali.

Bele halo gráfiku fogete nia velosidade ho aselerasaun.

Bele haree katak iha fatin 4 fogete nia velosidade 0, iha fatin 2 ho 6 fogete nia velosidade boot liu. Aselerasaun boot liu entre fatin 1 ho 2, no mós entre fatin 6 ho 7. Aselerasaun entre fatin 2 ho 6 mak gravidade nia aselerasaun: 9.8 m/sec^2. Iha gráfiku ne’e, leten mak pozitivu, kraik mak negativu.

Bainhira fogete ne’e semo, nia presiza dudu ba sorin anin ne’ebé hela iha ninia oin. Ne’e presiza enerjia. Se fogete iha buat todan hanesan fatuk iha ninia tutun, ninia enerjia boot liu. Nune’e, fogete ho fatuk kiikoan dala ruma bele semo dook liu. Maibé se tau fatuk boot, anin, ne’ebé sai husi botir, fó forsa la to’o atu dudu fogete sa’e dook.

Ida ne’e hanesan ema soe surat-tahan rua: ida falun ba fatuk kiikoan, ida la iha. Sempre bele soe surat-tahan ne’ebé ho fatuk iha ninia laran dook liu. Atu hetan informasaun tan, haree lisaun “Galileo.”

Fogete ne’e mós tuir fórmula:

. Se sura (ho relójiu) tempu (t) husi fogete nia fatin aas liu to’o nia kona fali ba rai, no hatama iha fórmula ne’e, bele hatene fogete nia aas (s). Mós, bele sukat tempu husi hanehan botir to’o fogete fila ba rai, tuirmai fahe ba rua. Tempu (t) ne’e bele hatama iha fórmula atu hodi hatene fogete nia aas (s) (tanba fogete nia tempu sa’e hanesan de’it ninia tempu tun).

Nu’udar ezemplu, se fogete nia tempu husi ema sama botir to’o nia kona fali rai mak 2.6 segundu [detik], t mak 1/2 tempu ne’e = 1.3 s. Nune’e

s = 8.45 m

Nune’e, fogete nia aas mak 8.45 metru.

Ligasaun ba moris:

Ema, bisikleta, motór, no karreta halo aselerasaun hodi aumenta sira nia velosidade. Ro no ikan halo aseleasaun iha bee, aviaun no manu halo aselerasaun iha anin. Bainhira ai-fuan monu husi ai-hun, nia halo aselerasaun ba kraik tanba gravidade dada nia. Ai-fuan ne’ebé monu husi ai-hun aas hetan velosidade boot liu ai-fuan ne’ebé monu husi ai-hun badak tanba ai-fuan husi ai-hun aas bele halo aselerasaun kleur liu.

Se motór halai ho velosidade konstant, nia espidometru la muda, ne’e katak nia la halo aselerasaun. Se nia espidometru sa’e ka tun, ne’e katak ninia velosidade troka, no nia halo daudaun aselerasaun.

Fogete iha esperimentu ne’e hanesan kilat musan: kilat musan semo lalais liu bainhira nia foin tiru sai husi kilat. Depois nia semo dook, nia velosidade hamenus (tanba anin dudu nia ba kotuk). Maibé, fogete sira ne’ebé semo to’o espasu [ruang ankasa] la hanesan fogete ne’e. Sira iha motór [mesin] (ho ahi) ne’ebé dudu sira nafatin ba leten, nune’e sira halo aselerasaun ba leten nafatin.

Movimentu-dulas 1 – Velosidade-dulas no Forsa Sentripetal

Sura velosidade-dulas atu aprende uitoan tan kona-ba movimentu-dulas [gerak rotasi].

Sasán ne’ebé estudante atu lori:

fatuk kiik, ne’ebé bele kesi ho tali

Sasán ne’ebé mestre atu lori:

botir Aqua
metru-fita
tali
fita-kola
tudik
fatuk kiik, ne’ebé bele kesi ho tali

Tamañu grupu nian: estudante na’in 2 – 4

Atu Halo:

IHA ESPERIMENTU NE’E, ESTUDANTE SIRA PRESIZA

HADULAS TALI HO FATUK.

DIAK LIU, HALO IHA LI’UR, NO

HALO HO KUIDADO!!

1. Mestre pinta tabela ne’e iha kuadru no estudante sira pinta tuir:

radius = r	C = 2πr (cm)	dala hira/10 s	ω (hz = dala/s)	v = ω x C (cm/s)
75 cm		dala/10s
60 cm		dala/10s
30 cm		dala/10s
15 cm		dala/10s

2. Kesi mais ou menus 1 metru tali ba fatuk kiik. Atu halo metin liu, bobar ho fita-kola. Kaer tali 75 cm husi fatuk. Ema ida hadulas fatuk neineik, atu fatuk foin bele lao iha dalan kabuar no la monu husi leten. Ema seluk kaer stopwatch no, bainhira ema ne’ebé hadulas fatuk hadulas diak ona, nia dehan “Komesa!” no hahú stopwatch. To’o tiha 10 segundu [detik], nia dehan “Para!” Ema ne’ebé hadulas fatuk presiza konta nia dulas fatuk dala hira iha 10 segundu nia laran. Hakerek rezultadu iha tabela laran.

3. Kaer tali 60 cm husi fatuk, no halo fali esperimentu tuir maneira ne’ebé esplika iha leten. Labele hadulas tali lailais – hadulas atu fatuk foin bele halai iha kabuar. Hakerek rezultadu.

4. Halo fali esperimentu dala rua, kaer tali 30 cm no 15 cm husi fatuk. Hakerek rezultadu.

5. Buka sirkunferénsia [keliling lingkaran] (C) dalan kabuar ne’ebé fatuk halai: dala 2 ba π ba radius. Hakerek sirkunferénsia iha tabela ba radius ida-idak.

6. Buka velosidade-dulas [kecepatan sudut] (ω): fahe “dulas dala hira/10 segundu” ba 10. Hakerek iha tabela.

7. Buka velosidade normál (v): dala ω ba C. Hakerek iha tabela.

8. Haree took tabela kompletu atu hatene:

Bainhira radius sai kiik, velosidade-dulas oinsá?
Bainhira radius sai kiik, velosidade normál oinsá?

Mestre halo diskusaun hamutuk ho estudante sira kona-ba rezultadu.

Sá mak mosu?

Bainhira buat ruma ne’ebé dulas nia radius sai kiik, ninia velosidade sai nu’usá?

Husi esperimentu ne’e, bele komprende oitoan kona-ba velosidade-dulas (ω) no mós forsa sentripetal [gaya sentripetal] (F)_s. Velosidade-dulas mak buat ruma dulas lailais ka neineik. Ninia unidade [satuan] mak “dala/s” ka “hz” (hz katak dala/s). Se ita hetan velosidade-dulas, ita mós bele hetan velosidade normál.

Se tali kotu kedas, fatuk sei semo ba oin de’it. Velosidade normál mak velosidade ne’ebé fatuk sei halai ba oin se tali kotu kedas.

Forsa sentripetal mak forsa ne’ebé tali fó ba buat ruma ne’ebé dulas. Fórmula ba forsa sentripetal mak ne’e:

Iha lian matemátika, fórmula ne’e katak forsa iha tali depende ba fatuk nia masa, velosidade [kecepatan], no radius. Se masa ka velosidade boot, forsa mós boot. Se radius boot, forsa kiik.

Nune’e, se esperimentu ne’e sai diak, bainhira tali nia naruk sai kiik, radius sai kiik, no velosidade normál ne’ebé fatuk hetan mós sai kiik. Estudante sira bele haree se sira nia rezultadu tuir teoria ne’e ka lae.

Demonstrasaun:

Mestre bele prepara demonstrasaun ne’e atu hatudu ba estudante sira. Se iha tempu, estudante sira hotu bele halo.

1. Hakotu botir nia kidun. Hatama tali ne’ebé kesi ba fatuk iha botir nia ibun no hasai husi kraik.

2. Kaer botir ho liman ida no tali ho liman seluk. Hadulas fatuk ba tali.

3. Tuirmai dada tali atu halo fatuk hakbesik botir nia ibun. Haree saida mak mosu.

Se esperimentu sai diak, bainhira fatuk hakbesik botir, nia dulas lalais liu, no ema presiza fó forsa boot liu ba nia.

Husi demonstrasaun ne’e, ita bele haree katak bainhira buat ruma ne’ebé dulas nia radius sai kiik, nia dulas lalais liu, no presiza forsa boot liu. Forsa ne’ebé ema fó ba tali mak forsa sentripetal, tanba tali liga ema nia liman no fatuk.

Demonstrasaun ne’e mós tuir fórmula ba forsa sentripetal: bainhira R sai kiik, F_s sai boot. Maibé, esperimentu ne’e komplikadu tanba masa (m) de’it mak konstante; R, F_s, no v hotu troka.

Ligasaun ba moris:

Se motór ka bisikleta lao iha rai bokon, roda sei soe tahu no bee ba li’ur. Tahu no bee ne’e belit de’it ba roda no ladún iha forsa sentripetal atu halo sira dulas hamutuk ho roda. Orasida, sira semo sai husi roda. Tanba ne’e motór iha guardalama [penahan lumpur/spakbor].

Bainihira karreta tesi ba sorin, ema iha karreta sente karreta dudu ba sira nia isin husi sorin. Ida ne’e mak forsa sentripetal. Karreta nia didin fó forsa ne’e ba ema no sasán iha karreta nia laran. Se tau sasán iha karreta nia leten no karreta tesi maka’as ba sorin, sasán sira ne’e sei sai husi karreta no ba nafatin ba oin tanba forsa sentripetal la iha atu halo sasán tesi tuir karreta.

Fulan dulas ba rai-klaran, no rai-klaran dulas ba loro. Forsa sentripetal mak forsa gravidade entre buat tolu ne’e. Se gravidade la iha, fulan no rai-klaran sei semo arbiru de’it no la dulas ona.

Movimentu-dulas 2 – Inérsia-dulas

Hadulas botir atu aprende kona-ba movimentu-dulas [gerak rotasi].

Sasán ne’ebé estudante atu lori:

botir Aqua: 2 – ida boot, ida kiik – no matan ida
rai-henek ka fatuk kiikoan balu
tudik

Sasán ne’ebé mestre atu lori:

kabas
stopwatch
fafuluk ka ai-sanak ne’ebé loos no naruk mais ou menus 1 metru
fatuk rua ne’ebé naruk uitoan, no bele kesi ba ai-sanak
borraxa
tudik

Tamañu grupu nian: estudante na’in 2 – 4

Atu halo:

1. Mestre pinta tabela ne’e iha kuadru no estudante sira pinta tuir:

	tempu dulas (s)
Botir kiik mamuk
Botir boot mamuk
Botir kiik ho rai-henek
Botir boot ho rai-henek

2. Halo kuak kiikoan iha botir Aqua nia matan nia klaran. Hatama kabas ba kuak no kesi fukun iha matan nia okos. Halo fukun ida tan mais ou menus 50 cm ba matan nia leten. Fukun ne’e hodi kaer bainhira hadulas botir.

3. Foti matan ne’ebé liga ba kabas no taka ba botir Aqua kiik. Kaer kabas fukun iha leten no husik botir tabele. Kaer botir ho liman seluk no hadulas maka’as. Ema seluk foti stopwatch no haree botir nia tempu nakdulas, to’o nia foin para. (Lalika hein nia dulas fila-fali.) Hakerek rezultadu iha kadernu. Uza unidade [satuan] segundu [detik] de’it. Nu’udar ezemplu, se tempu sai 1 minutu, 22 segundu, hakerek 82 segundu.

4. Tuirmai, halo loos kabas (la bele husik nia nakdulas), taka fali matan ho kabas ba botir boot, no halo fali. Hakerek rezultadu iha kadernu.

5. Enxe rai-henek ka fatuk kiik ba botir kiik to’o 5 – 6 sentímetru. Tuirmai, halo loos kabas, taka fali matan ho kabas, no hadulas. Haree ninia tempu dulas, to’o nia para. Hakerek rezultadu iha kadernu.

6. Tuirmai, enxe rai-henek no fatuk ne’ebé iha botir kiik ba botir boot, halo loos kabas, taka matan ho kabas ba botir boot no halo fali. Hakerek rezultadu.

Sá mak mosu?

Botir nakdulas kleur ka lae depende ba saida?

Husi esperimentu ne’e ita bele haree katak buat ruma nia masa no ninia radius halo influensia ba ninia movimentu.

Buat ruma naran inérsia-dulas [kelembaman rotasi/momen inérsi] halo influensia kona-ba buat ruma dulas kleur ka lae. Se buat ruma iha inérsia-dulas boot, nia sei dulas kleur; se nia iha inérsia-dulas kiik, nia sei para lailais. Fórmula ba inérsia-dulas mak ne’e:

I = inérsia-dulas

m = masa

r = radius

Fórmula ne’e katak, se soma pontu hotu iha buat ruma ne’ebé dulas nia masa no radius, bele hetan buat ne’e nia inérsia-dulas. Maibé ita bele hanoin de’it kona-ba botir tomak nia radius no botir tomak nia masa. Fórmula ne’e katak, se buat ruma nia masa ka radius sai boot, ninia inérsia-dulas mós sai boot, no nia sei dulas kleur.

Botir boot nia radius boot liu botir kiik. Se enxe fatuk, ne’e aumenta botir nia masa. Nune’e, tuir teoria:

· botir boot ho rai-henek dulas kleur liu (tempu boot liu)

· botir kiik mamuk para lailais liu (tempu kiik liu)

Botir rua seluk nia tempu nato’on de’it – entre tempu boot liu no tempu kiik liu. Estudante sira bele haree se sira nia rezultadu tuir teoria ne’e ka lae.

Demonstrasaun:

Mestre bele prepara demonstrasaun ne’e atu hatudu ba estudante sira. Se iha tempu, estudante sira hotu bele halo.

1. Uza borraxa hodi kesi fatuk rua ba ai-sanak nia rohan-rohan, hanesan foto iha sorin.

2. Kaer iha ai-sanak nia klaran no book uitoan atu rohan-rohan tun-sa’e, hanesan baloxu [jungkat-jungkit]. Halo nia book-an maka’as.

3. Muda fali fatuk besik ai-sanak nia klaran, hanesan foto iha sorin. Kaer ai-sanak no doko tun-sa’e maka’as. Haree se bele muda lalais liu ka lae.

Bainhira mestre halo demonstrasaun hotu ona, bele bolu voluntariu ida ka rua atu koko took. Mestre mós bele fó ba estudante sira atu sira ida-idak bele koko-took.

Demonstrasaun #2 tuir fórmula inérsia-dulas nian. Buat ruma ho inérsia-dulas boot mak susar atu komesa halo dulas, no mós susar atu halo para. Hanesan ita bele haree iha fórmula inérsia-dulas, se buat ruma nia radius boot, ninia inérsia-dulas sai boot.

Bainhira fatuk besik klaran, sira nia radius kiik, no sira nia inérsia-dulas kiik. Ne’e duni, atu halo ai-sanak doko tun-sa’e ladún susar. Bainhira fatuk iha ai-sanak nia rohan-rohan, sira nia radius boot, no sira nia inérsia-dulas boot. Ne’e duni, atu halo ai-sanak doko tun-sa’e susar.

Ligasaun ba moris:

Bainhira ema ti’i kabas ho sasular (ka kida), nia sempre tau sipu tasi iha ninia rohan. Ne’e atu aumenta sasular nia masa, atu aumenta ninia inérsia-dulas, atu sasular bele dulas kleur.

Labarik halimar ho jelu nia plástiku no fatuk, hodi halo nia dulas ba-mai. Labele tau ai ka plástiku. Ai no plástiku nia masa kiik liu, nune’e sira nia inérsia-dulas mós kiik liu

Tuir esperimentu ne’e nia rezultadu, piaun [gasing] ne’ebé boot no todan bele dulas tempu kleur liu ida ne’ebé kiik no kamaan. Estudante sira bele halo ida boot no ida kiik atu haree ne’e loos ka lae.

Newton 1, 2, 3

Halo esperimentu simples atu komprende buat ne’ebé Newton dehan.

Sasán ne’ebé estudante atu lori:

fatuk boot, tamañu hanesan jambua
fatuk rua kiikoan, tamañu hanesan goiabas
fatuk ida kiik liu, tamañu hanesan berlindus
ai-fuan ne’ebé kabuar hanesan goiabas, derok, etc., ka berlindus
balaun
xupadeiru [sedotan]
tezoura
fizka (boot)

Sasán ne’ebé mestre atu lori:

(Mestre lalika lori sasán espesiál.)

Tamañu grupu nian: konforme – estudante ida-idak bele halo mesak

Newton iha lei tolu.

Lei #1

Atu halo:

1. Tau fatuk kiik iha rai ka meza. Uza liman fuan atu duir nia ho forsa [gaya] nato’on de’it. Observa nia para iha ne’ebé.

2. Tau bola ka ai-fuan kabuar iha rai ka meza. Duir bola ho forsa nato’on de’it. Observa nia para iha ne’ebé.

3. Tau fatuk kiik iha liman. Duir fatuk ho forsa hanesan de’it forsa ne’ebé foin uza atu duir bola no fatuk no halo nia semo. Observa nia para iha ne’ebé.

Sá mak mosu?

Tanbasá fatuk ne’ebé ema soe para? Tanbasá bola ba dook liu fatuk? Tanbasá fatuk ne’ebé semo ba dook liu fatuk ne’ebé duir de’it?

Newton nia lei #1 dehan:

Buat ne’ebé la’o sei la’o nafatin. Buat ne’ebé tuur de’it sei tuur de’it nafatin.

Atu halo para buat ruma ne’ebé la’o, tenke fó forsa ba nia. Atu halo muda buat ne’ebé tuur de’it, tenke fó forsa ba nia.

Bainhira soe fatuk, nia ba to’o nia xoke buat ruma. Bainhira fatuk xoke buat ruma, buat ne’e fó forsa ba fatuk atu halo nia para. Se la iha buat ruma atu xoke, fatuk ne’e sei semo nafatin.

Bainhira duir fatuk, nia ladún muda, no para lalais. Ne’e tanba iha forsa friksaun [gaya gesekan] boot entre fatuk no rai. Ema fó forsa ba fatuk atu halo nia muda, maibé forsa friksaun husi rai fó fali forsa kedas atu halo nia para.

Bainhira duir bola, nia ba dook liu fatuk. Ne’e tanba forsa friksaun kiik liu entre bola no rai. Nune’e, bainhira ema fó forsa ba bola, baibain nia ba to’o nia xoke ba buat ruma no simu forsa atu para.

Ligasaun ba moris:

Ema hotu hatene katak se buat ruma tuur de’it, nia atu tuur de’it nafatin. Maibé ema mós hatene katak bainhira soe buat ruma, nia sempre sei para. Molok Newton dehan ninia lei, ema hanoin lei mak ne’e: “Buat hotu hakarak para.” Maibé ne’e la loos. Newton hetan katak forsa friksaun sempre halo para buat ne’ebé la’o. Se forsa friksaun la iha, buat ruma sei lao nafatin, to’o nia xoke buat ruma.

Se ema tebe bola iha du’ut leten, karik bola atu para la xoke ho buat ruma. Maibé nia hetan forsa friksaun husi duut atu halo para nia.

Bola la’o hanesan de’it roda. Buat kabuar iha forsa friksaun uitoan de’it. Ne’e duni, karreta, trek, motór, bisikleta, no karrosa hotu uza roda kabuar atubele la’o ho forsa friksaun uitoan de’it. Iha buat hirak ne’e nia laran, mós iha bola besi kiikoan, naran rolamentus, ne’ebé halo menus forsa friksaun.

Iha rai-klaran sempre iha forsa friksaun. Mós, buat ne’ebé ema soe sempre fila fali ba rai tuir forsa gravidade. Maibé buat iha espasu [ruang ankasa] la sente forsa gravidade. Se astronauta ne’ebé iha espasu soe buat ruma ho forsa uitoan de’it, buat ne’e semo neineik ba nafatin to’o xoke ba buat ruma. Satelite orbita (semo hadulas) nafatin besik rai-klaran tanba sira la hetan forsa friksaun, mós la xoke buat seluk. Satelite bele semo tinan barak no la presiza simu forsa tan.

Lei #2

Atu halo:

1. Foti fatuk rua: ida ho tamañu hanesan berlindus, ida ho tamañu hanesan jambua. Soe sira ho forsa maka’as liu ne’ebé bele (atu halo forsa konstante). Mós, bele hatama fatuk rua iha fiska nia laran, no tiru ho fizka. Fizka uza borraxa, no borraxa hanesan pegas, ne’ebé sempre fó forsa konstante. Haree se fatuk kiik ba dook liu fatuk boot.

2. Foti fatuk rua ho tamañu hanesan. Soe ida maka’as, ida nato’on de’it. Haree se fatuk ne’ebé ita soe maka’as ba dook liu.

Sá mak mosu?

Tanbasá fatuk kiik semo dook liu? Tanbasá fatuk ne’ebé ema soe maka’as ba dook liu?

Newton nia lei #2 dehan:

F=ma

Ne’e mak lian matemátika. Ho lian Tetum bele dehan hanesan ne’e: Se fó forsa (F) ba buat ruma ne’ebé iha masa (m), nia atu halo aselerasaun [percepatan] (a).

Mós bele dehan hanesan ne’e: Aselerasaun ne’ebé mosu depende husi forsa no masa. Se masa sai boot, no forsa nafatin de’it, aselerasaun sai kiik. Se forsa sai boot, no masa nafatin de’it, aselerasaun mós sai boot. Se masa sai boot, no aselerasaun nafatin de’it, forsa mós sai boot.

Nune’e, bainhira ema soe fatuk rua ho forsa hanesan, ka tiru fatuk rua ho fiska, fatuk kiik (ne’ebé iha masa kiik) halo aselerasaun boot liu fatuk boot (ne’ebé iha masa boot). Mós, bainhira ema soe fatuk rua ho masa mais ou menus hanesan, fatuk ne’ebé ema soe maka’as (ho forsa boot) halo aselerasaun boot liu (semo lalais liu) fatuk ne’ebé ema soe nato’on (ho forsa kiik).

Bele halo esperimentu ida tan ne’ebé iha aselerasaun konstante: Se soe fatuk rua ho liman ida, fatuk atu halo aselerasaun hanesan. Ida ne’ebé masa boot se simu forsa boot, no ida ne’ebé masa kiik se simu forsa kiik. Se esperimentu diak, sira sei semo distansia mais ou menus hanesan. Problema mak ne’e: iha esperimentu ne’e, la bele sura forsa, nune’e la bele hatene ida ne’ebé simu forsa boot, ida ne’ebé simu forsa kiik.

Ligasaun ba moris:

Ema barak komprende ona lei ne’e. Atu halai lalais, trek boot ne’ebé tula fatuk tenke uza motór boot liu karreta kiik ne’ebé tula ema ida de’it. Motór boot liu bele fó forsa boot liu. Bainhira trek ne’e para, nia mós presiza uza rem maka’as liu karreta kiik nian.

Fiska bele fó forsa ida de’it – forsa konstante – ba fatuk ne’ebé nia tiru. Forsa ne’e depende de’it borraxa. Se forsa konstante, presiza masa kiik atu hetan aselerasaun boot. Nune’e, se hakarak tiru buat ruma ne’ebé dook ho fiska, tenke uza fatuk kiikoan. Se tiru fatuk boot, nia ba ladún dook.

Lei #3

Atu halo:

Iha esperimentu 2. #1

1. Ema na’in rua hamriik besik malu, tuir foto iha sorin:

Ema ne’ebé iha kotuk nia ain-fuan tenke kona ema ne’ebé iha oin nia ain-nuban (ain-kotuk).

2. Ema ne’ebé iha kotuk dudu maka’as ba ema ne’ebé iha oin nia kotuk. Haree se ema ne’ebé iha oin ba oin, no ema ne’ebé iha kotuk ba kotuk ka lae.

#2:

1. Tau xupadeiru iha balaun, ninia rohan to’o balaun nia klaran. Tesi ibun ho borraxa, maibé ladún metin.

2. Huu haboot balaun no husik nia semo. Haree se balaun semo ba leten ka lae. Se lae, tau xupadeiru loos uitoan, no halo fali. Husik balaun didiak, la’ós arbiru de’it.

Sá mak mosu?

Tanbasá bainhira ema ida dudu ida seluk, ema ne’ebé dudu mós ba kotuk? Tanbasá balaun bele semo sa’e?

Newton nia lei #3 dehan:

Asaun hotu iha reasaun ne’ebé hanesan de’it no opostu.

Ne’e katak se ema fó forsa ba buat ruma, buat ne’e mós fó fali forsa ba ema. Iha esperimentu #1, bele haree katak ema rua simu forsa. Maski ema iha oin la uza ninia liman, nia mós fó forsa fali ba ema iha kotuk ne’ebé dudu nia. Nune’e, asaun mak ema ne’ebé iha oin ba oin. Reasaun mak ema ne’ebé iha kotuk ba kotuk.

Iha esperimentu #2, balaun huu sai ninia anin liu surat-tahan ne’ebé lulun. Anin ne’e bele fó forsa ba balaun. Anin ba kraik, nune’e balaun tenke sa’e ba leten. Bainhira balaun nia anin la iha ona, nia monu ba rai. Nune’e, asaun mak anin sai lalais ba kraik. Reasaun mak balaun ba leten.

Se balaun la ba leten, nia karik halo dulas de’it. Ne’e tanba xupadeiru la’ós loos, no anin ne’ebé sai la sai loos ba kraik. Balaun sempre tuir Newton nia lei #3 no ba iha diresaun opostu ho xupadeiru: se anin ba sorin loos, balaun se ba sorin karuk.

Ligasaun ba moris:

Rede-na’in komprende lei ne’e. Se ema ne’ebé hamriik iha ro laran haksoit ba oin, ro sei la’o ba kotuk. Se ema haksoit ba kotuk, ro sei la’o ba oin. Asaun mak ema haksoit. Reasaun mak ro ba iha diresaun opostu.

Karreta ne’ebé xoke ai-hun fó forsa ne’ebé extraga ai-hun, maibé ai-hun mós fó forsa fali ne’ebé estraga karreta. Asaun mak karreta fó forsa ba ai-hun. Reasaun mak ai-hun halo para karreta.

Fogete ne’ebé ba espasu mós tuir prinsipal ne’e. Fogete sunu petroleu ka buat seluk iha ninia laran. Tuirmai gás husi reasaun kímika ne’e sai lalais husi fogete nia kidun. Asaun mak gás sai ba kraik. Reasaun mak fogete ba leten. Nune’e, fogete hanesan de’it balaun iha esperimentu #2: anin ba kraik, balaun ba leten. (Fogete ne’ebé ba espasu la hanesan fogete iha lisaun “Fogete” tanba nia fó forsa nafatin bainhira nia semo ba leten. Fogete iha esperimentu “Fogete” hanesan kilat musan, ne’ebé simu forsa ida de’it atu tiru nia sai husi kilat. Nune’e, asaaun mak kilat dudu kilat musan ba oin. Reasaun mak kilat musan dudu kilat ba kotuk.)

Sentru-todan

Uza ai-saar ho botir Aqua atu buka sentru-todan [puzat massa].

Sasán ne’ebé estudante atu lori:

botir Aqua: 2 (boot ka kiik), ho matan
ai-saar fafuluk

Sasán ne’ebé mestre atu lori:

tali rafia

Tamañu grupu nian: estudante na’in 2 – 4

Atu halo:

1. Hatudu ba estudante sira oinsá hetan ai-saar nia sentru-todan. (Bele tau liman rua iha ai-saar nia rohan-rohan, tuirmai dada liman rua ba klaran to’o sira kona malu. Iha fatin ne’e bele foti ai-saar ho liman ida de’it.) Bainhira hetan ona, pinta marka iha ai-saar iha fatin ne’e.

2. Mestre pinta dezeñu ne’e iha kuadru. Estudante sira pinta tuir. (Botir balu nakonu, balu nanotak.)

3. Husu ba estudante sira si’ik ai-saar nia sentru-todan nia fatin iha ezemplu ida-idak. Sira hakerek “↑” iha fatin ne’ebé sira hanoin atu sai sentru-todan. Nu’udar ezemplu:

4. Grupu ida-idak halo esperimentu 1 to’o 10. Tara botir tuir dezeñu sira iha leten, tuirmai, foti ai-saar no buka ninia sentru-todan. Enxe bee iha botir rua to’o nakonu atu halo 1 to’o 7. Depois atu halo 8, 9, no 10, tenke hasai bee husi botir ida to’o nanotak.

5. Bainhira hetan ona sentru-todan ida, estudante hakerek “s” iha fatin ne’e. Nu’udar ezemplu:

Halo ida-ida to’o hotu (1 to’o 10).

6. Fó tempu ba estudante sira atu halo diskusaun kona-ba sira nia esperimentu.

Sá mak mosu?

Tanbasá ai-saar nia sentru-todan la’ós iha ninia klaran? Ema uza ai-lebo hodi fa’an modo. Se nia fa’an tiha modo futun ida husi ai-lebo nia oin, nia presiza muda ai-lebo ba oin ka ba kotuk atu hetan fali ai-lebo nia sentru-todan?

Sentru-todan iha esperimentu ne’e tuir lei ai-tonka [tuas] nian, ne’ebé mós lei torke [torka,] nian: Se buat ruma dook husi apoiu-fatin [titik tumpuh], nia presiza fó forsa [gaya] kiik atu muda ai-tonka. Se buat ruma besik apoiu-fatin, nia presiza fó forsa boot atu muda ai-tonka. Ai-tonka hetan balansu [keseimbangan] bainhira distánsia ida dala ba todan ida hanesan de’it distánsia seluk dala ba todan seluk.

Ho lian matemátika, ita bele dehan: Balansu mosu bainhira F1 x S1 = F2 x S2.

F1 – forsa ida (forsa rezultadu)

F2 – forsa rua (forsa fo)

S1 – distánsia ida

S2 – distánsia rua

AF – apoiu-fatin

Se mestre iha metru ho pegas, bele sukat S1 ho S2 no sura F1 ho F2 atu haree se fórmula ne’e loos ka lae. (Keta haluha katak fafuluk mós iha todan, ai-saar nia ulun mós iha todan. Diak liu, se atu sukat, hasai ai-saar nia ulun, ka uza fafuluk baluk seluk.) Atu hetan informasaun tan, haree lisaun “Ai-tonka.”

Ligasaun ba moris:

Ema ne’ebé uza ai-lebo hodi fa’an modo hatene ona kona-ba ai-tonka no sentru-todan. Modo ne’ebé tabele husi oin no kotuk la presiza todan hanesan. Sempre bele hetan sentru-todan, no hi’it ai-lebo iha fatin ne’e. Se ema ne’ebé uza ai-lebo hodi fa’an modo la hi’it ai-lebo iha sentru-todan, nia presiza uza liman hodi fó forsa uitoan ba ai-lebo atu hetan balansu. Se nia fa’an modo fukun ida husi ai-lebo nia oin, nia sei presiza muda ai-lebo ba oin atu hetan fali balansu.

Baloxu [jungkat-jungkit], ne’ebé labarik halimar, mós ezemplu ida ai-tonka. Se labarik rua todan la hanesan, ida ne’ebé todan liu bele tuur besik liu baloxu nia klaran (baloxu nia apoiu fatin, ne’ebé mós ninia sentru-todan) atu hetan balansu.

Dasin-balansu [timbangan] mós tuir fórmula ai-tonka nian, maibé S1 sempre hanesan ho S2. Nune’e, bainhira F1 hanesan ho F2 dasin hetan balansu.

Ai-tonka

Foti ai-saar no sura forsa [gaya] atu komprende ai-tonka.

Sasán ne’ebé estudante atu lori:

ai-saar, ka naran ai ka fafuluk ida
botir Aqua

Sasán ne’ebé mestre atu lori:

dasin-mola [pegas]
metru-fita
tali rafia

Tamañu grupu nian: estudante na’in 4 – 6

Tanba dasin-mola hotu la hanesan, mestre tenke koko uluk esperimentu ne’e atu hatene estudante sira bele tau bee volume hira iha botir nia laran. Se tau bee barak liu, dasin-mola sei tun to’o kraik (liu eskala dasin nian) no la bele hatudu todan. Se tau bee menus liu, esperimentu mós sei sai la diak. Bele tau bee 2 newton atu hahú halo took.

Atu halo:

Ai-tonka iha fatin tolu importante: forsa fó, forsa rezultadu, no apoiu-fatin [titik tumpuh]. Se troka buat tolu ne’e nia fatin, bele hetan ai-tonka oin tolu.

Ai-tonka Oin #1 – Apoiu-fatin Iha Klaran:

1. Mestre pinta tabela no dezeñu ne’e iha kuadru, no estudante sira pinta tuir.

Botir nia todan:

N (newton)

Oin #1
Distánsia entre tali botir nian no apoiu-fatin (A):
	forsa
A = B
2A = B
3A = B
½A = B

(A nafatin)

2. Hetan ai-saar nia sentru-todan.(Iha ai-saar nia sentru-todan, ema bele foti nia ho liman-fuan ida de’it. Atu hetan informasaun tan, haree lisaun “Sentru-todan.”) Iha esperimentu ne’e, ai-saar nia sentru-todan atu sai ninia apoiu-fatin.

3. Pinta marka ida iha fatin ne’e.

4. Enxe bee iha botir Aqua nia laran. Todan bee nian mak ida ne’ebé mestre hetan ona bainhira nia koko uluk.

5. Liga tali rohan ba botir, no tara nia besik ai-saar nia ulun. Halo hanesan foto iha sorin.

6. Kesi tali ida iha ai-saar nia apoiu-fatin.

7. Sukat distánsia entre ai-saar nia apoiu-fatin no tali botir nian. Hakerek iha tabela (A). Kesi tali ida tan iha ai-saar no liga ba dasin-mola, hanesan foto iha sorin.

8. Tau tali dasin-mola nian iha distánsia hanesan ho “A” husi ai-saar nia apoiu-fatin. Estudante ida foti ai-saar husi tali iha apoiu-fatin, no ida seluk dada ba dasin-mola. Haree dasin-mola hatudu forsa hira, no hakerek iha tabela (A = B).

9. Tuirmai, muda fali tali dasin-mola nian ba distánsia dala rua husi ai-saar nia apoiu-fatin.

Estudante ida foti ai-saar husi tali iha apoiu-fatin, no ida seluk dada ba dasin-mola. Haree dasin-mola hatudu forsa hira, no hakerek iha tabela (2A = B).

10. Se bele, repete fali iha distánsia dala tolu husi apoiu-fatin (3A = B).

11. Repete fali iha distánsia ½ husi apoiu-fatin, no hakerek iha tabela ( ½A = B).

12. Ikusliu, hasai dasin-mola no dudu de’it ai-saar ho liman-fuan ba ai-saar atu halo balansu. Muda liman-fuan ba-mai, no haree took: presiza fó forsa boot liu iha ai-saar nia rohan ka besik apoiu-fatin.

13. Bainhira estudante sira hotu ona, sira tuur fali no halo diskusaun ho mestre kona-ba rezultadu. Mestre foti ai-saar iha sala nia oin no uza atu hatudu ba estudante sira no halo demonstrasaun.

Ai-tonka Oin #2 – Forsa Rezultadu Iha Klaran:

1. Mestre pinta tabela no dezeñu ne’e iha kuadru, no estudante sira pinta tuir.

Oin #2
Distánsia entre meza no tali dasin-mola nian (C):
	forsa
C = D
1/2C = D
1/3C = D

(C nafatin)

2. Tau ai-saar nia ulun iha meza ka kadeira nia leten. Tara botir Aqua iha ai-saar uluk, no tuirmai kesi tali dasin-mola nian iha ai-saar nia rohan. Sura distánsia entre meza no tali dasin-mola nian, no hakerek iha tabela (C).

3. Tau tali botir nian iha fatin hanesan ho tali dasin-mola nian, no haree dasin-mola hatudu forsa hira. Hakerek iha tabela (C = D).

4. Sukat distánsia 1/2C husi ai-saar nia ulun. Tara botir iha fatin ne’e (ai-saar nia klaran). Foti dasin-mola, ne’ebé kesi nafatin ba ai-saar nia rohan, no haree nia hatudu forsa hira. Hakerek iha tabela (1/2C = D).

5. Sukat distánsia 1/3C husi ai-saar nia ulun. Tara botir iha fatin ne’e, foti dasin-mola, no haree nia hatudu forsa hira. Hakerek iha tabela (1/3C = D).

6. Tuirmai, hasai fali dasin-mola, no foti ai-saar ho liman-fuan. Muda botir ba-mai iha ai-saar, no haree took: Ita sente ai-saar todan liu bainhira botir besik ulun, ka bainhira botir besik rohan seluk.

7. Bainhira estudante sira hotu ona, sira tuur fali no halo diskusaun ho mestre kona-ba rezultadu. Mestre foti ai-saar iha sala nia oin no uza atu hatudu ba estudante sira no halo demonstrasaun.

Ai-tonka Oin #3 – Forsa Fó Iha Klaran:

1. Mestre pinta tabela no dezeñu ne’e iha kuadru, no estudante sira pinta tuir.

Oin #3
Distánsia entre meza no tali botir nian (F):
	forsa
F = G
1/2F = G
1/3F = G

(F nafatin)

2. Tau ai-saar nia ulun iha meza nia okos. Kesi tali dasin-mola nian ba ai-saar, no tuirmai tara botir Aqua iha ai-saar nia rohan. Sura distánsia husi meza to’o tali botir nian, no hakerek iha tabela (F).

3. Tau tali dasin-mola nian iha fatin hanesan ho tali botir nian. Haree sá mak mosu. Se presiza, kaer ai-saar nia ulun, no haree dasin-mola hatudu forsa hira. Hakerek iha tabela (F = G).

4. Sukat distánsia1/2F husi ai-saar nia ulun. Kesi tali dasin-mola nian iha fatin ne’e (ai-saar nia klaran). Botir Aqua kesi nafatin ba ai-saar nia rohan. Foti dasin-mola no haree nia hatudu forsa hira. Hakerek iha tabela (1/2F = G).

5. Sukat distánsia 1/3F husi ai-saar

nia ulun. Kesi tali dasin-mola nian iha fatin ne’e. Foti dasin-mola no haree nia hatudu forsa hira. Se bele, hakerek iha tabela (1/3F = G).

6. Tuirmai, hasai dasin-mola no foti ai-saar iha klaran ho liman-fuan de’it. Muda liman-fuan ba-mai iha ai-saar, no haree took: ai-saar sente todan liu bainhira liman-fuan besik botir, ka bainhira liman-fuan besik ai-saar nia ulun.

7. Bainhira estudante sira halo hotu ona, sira tuur fali no halo diskusaun ho mestre kona-ba rezultadu. Mestre foti ai-saar iha sala nia oin no uza atu hatudu ba estudante sira no halo demonstrasaun.

Sá mak mosu?

Oinsá ai-tonka bele fó tulun? Oinsá ai-tonka oin tolu la hanesan?

Iha lisaun “Sentru-todan,” ita hetan katak lei ai-tonka nian mak ne’e:

F1 x S1 = F2 x S2

F1 – forsa ida (forsa rezultadu)

F2 – forsa rua (forsa fo)

S1 – distánsia entre AF no F1

S2 – distánsia entre AF no F2

AF – apoiu-fatin

Se esperimentu ba ai-tonka oin #1 sai diak, ita bele haree katak fórmula ne’e loos. Bainhira S2 mak dala rua S1, F2 mak dala 1/2 F1, no bainhira S2 mak dala tolu S1, F2 mak dalas 1/3 F1. Nune’e, se presiza halo forsa boot, tenke halo S1 kiik liu S2. Mestre bele pinta tan tabela “tuir teoria” iha kuadru. Se botir Aqua nia todan mak 2 newton, tabela mak hanesan ne’e:

Baibain, ema hetan forsa kiik uitoan liu forsa teoria nian. Dala ruma ida ne’e tanba dasin-mola tara nakfila, no sura mós ninia an nia todan. Se uza dasin-mola rua no sura ida nia todan, tuirmai soma todan ne’e ho forsa ne’ebé hetan iha esperimentu, karik rezultadu sei sai diak uitoan.

Botir nia todan:

2 N (newton)

Oin #1
Distánsia entre tali botir nian no apoiu-fatin (A):		--tuir teoria--
	forsa	forsa
A = B		2 N
2A = B		1 N
3A = B		2/3 N
½A = B		4 N

Bainhira S2 mak dala 1/2 S1, F2 mak dala 2 F1. Nune’e, ema tenke fó forsa boot liu forsa rezultadu. Dala ruma ne’e mak diak, tanba maski ema tenke fó forsa boot liu, ai-tonka nia rohan seluk mós muda distansia naruk. Nu’udar ezemplu se S1 mak 4 metru no S2 mak 1 metru, bainhira muda rohan iha liman loos uitoan de’it, rohan iha liman karuk muda naruk. Nune’e, se la presiza fó forsa boot, maibé presiza muda buat ruma ba distansia naruk, bele uza ai-tonka oin #1 hanesan ne’e.

Dezeñu iha leten mak ai-tonka oin #1, maibé fórmula F1 x S1 = F2 x S2 mós bele uza ba ai-tonka oin #2 no #3:

Oin #2	Oin #3

Haree took rezultadu husi ai-tonka oin #2 no oin #3. Sei sai diak, ai-tonka oin #2 atu sai hanesan ne’e:

Bainhira C = D, botir tara hamutuk ho dasin-mola, no forsa ne’ebé dasin-mola sura mak boot liu. Tuirmai, bainhira botir muda to’o ai-saar nia klaran, dasin-mola sura forsa kiik liu. Bainhira botir tara besik ai-saar nia ulun (1/3C = D), dasin-mola sura forsa kiik liu.

Botir nia todan:

2 N (newton)

Oin #2
Distánsia entre meza no tali dasin-mola nian (C):		tuir teoria
	forsa	forsa
C = D		2 N + ai-saar nia todan
1/2C = D		1 N + ai-saar nia todan
1/3C = D		2/3 N + ai-saar nia todan

Nune’e, ai-tonka oin #2 bele fó tulun hodi aumenta forsa, maibé, ema mós tenke hi’it ai-tonka rasik nia todan.

Sei sai diak, ai-tonka oin #3 atu sai hanesan ne’e:

Bainhira F = G, situasaun hanesan de’it bainhira ai-tonka oin #2 nia C = D. Ema presiza foti ai-saar nia ulun, maibé dasin-mola sei sura forsa hanesan. Tuirmai, bainhira dasin-mola muda ba ai-saar nia klaran (1/2F = G), dasin-mola atu sura forsa boot liu botir nia todan. Bainhira dasin-mola besik ai-saar nia ulun, nia sura forsa boot liutan.

Botir nia todan:

2 N (newton)

Oin #3
Distánsia entre meza no tali botir nian (F):		tuir teoria
	forsa	forsa
F = G		2 N + ai-saar nia todan
1/2F = G		4 N + ai-saar nia todan +
1/3F = G		6 N + ai-saar nia todan ++

Nune’e, ai-tonka oin #3 la bele fó tulun hodi aumenta forsa: ema sempre tenke fó forsa F2 boot liu forsa rezultadu F1.

Interesante mak ne’e: ai-tonka oin #2 sempre fó tulun hodi aumenta forsa, no la bele aumenta distánsia. Ne’e tanba ai-tonka oin #2 nia S1 sempre badak liu ninia S2. Ai-tonka oin #3 la bele fó tulun atu aumenta forsa, maibé sempre aumenta distánsia. Ne’e tanba ninia S1 sempre naruk liu ninia S2.

Ita bele dehan katak ai-tonka fó tulun ba ema atu halo servisu. Maibé, tuir definisaun fízika nian, “servisu” [kerja] ne’ebé ai-tonka halo sempre hanesan de’it “servisu” ne’ebé ema fó ba nia. Servisu nia fórmula mak ne’e: W = F x s.

W = servisu

F = forsa

s = distánsia

Ai-tonka sempre aumenta F no hamenus s, ka aumenta s no hamenus F. Atu hodi aumenta W, tenke aumenta F no s hamutuk. Ne’e duni, ai-tonka, hanesan naran mákina ida, la bele aumenta servisu. Servisu ne’ebé nia halo hanesan de’it servisu ne’ebé ema fó ba nia.

Ligasaun ba moris:

Ai-tonka mak “makina simples” [pesawat sederhana] oin ida ne’bé ema uza beibeik. Ezemplu ai-tonka barak duni. Hanesan iha lisaun “Sentru-todan,” ai-lebo, baloxu, no dasin normál hotu mak ezemplu ai-tonka. Buat tolu ne’e hotu ai-tonka oin #1.

Tezoura mak ai-tonka oin #1. Tuir loloos, iha ai-tonka rua ne’ebé servisu hamutuk. Alkate mós hanesan.

Mákina tradisionál ne’ebé ema uza atu hasai nuu been husi nuu saus mak ezemplu ai-tonka oin #2.

Karrosa ho roda ida mak ezemplu ai-tonka oin #2.

Ai-saar dala ruma hanesan ezemplu ai-tonka oin #3. Se ema kaer metin iha leten no muda de’it liman iha klaran, ai-saar nia ulun iha kraik muda ba-mai. Ai-saar nia ulun kose ba rai atu fó forsa friksaun [gaya gesekan] ne’ebé F1. Maski liman iha klaran muda uitoan de’it, ai-saar nia ulun muda barak. Ai-tonka oin #3 sempre aumenta distánsia.

Bee matan dala ruma iha bomba ho besi kanu ne’ebé ezemplu ai-tonka oin #1.

Bee bomba nia besi kanu aumenta forsa atu fó tulun hi’it bee, maibé ema tenke muda besi kanu naruk liu distánsia ne’ebé bee muda.

Se hakarak hi’it karreta ne’ebé roda kuak, no la iha makaku [dongkrak], bele uza ai loos hanesan ai-riin. Tau fatuk ida nu’udar apoiu-fatin. Tanba hakarak fó forsa boot, tenke halo S1 kiik no S2 boot. Nune’e, tau fatuk besik karreta no dudu ba ai-riin nia rohan seluk. Ida ne’e ezemplu ida ai-tonka oin #1.

Se hakarak uza ai-tonka oin #2, bele tau fatuk nu’udar apoiu-fatin iha karreta nia okos no hi’it ai-riin nia rohan seluk. Se halo hanesan ne’e, S1 sei kiik de’it, maibé S2 naruk liu – ai-riin nia naruk tomak.

Labele uza ai-tonka oin #3, tanba nia la bele aumenta forsa.

Roldana

Halo roldana kiikoan hodi komprende oinsa nia bele fo tulun.

Sasan ne’ebé presiza:

· Aqua-fatin nia matan, 2

· Aqua fatin, boot ka ki’ik, 2

· Tali lotuk

· Tali rafia

· Ai-kesak sate

· Pregu boot hanesan ai-kesak

· Kadeira

· Dinamometru (dasin mola – bele mos halo ida ho borraxa no kartaun)

· Bee

Oinsa halo:

Halo roldana hanesan iha foto tuir mai ne’e:

Tesi aqua-fatin nia kakorok atu matan bele taka ninia kraik.
Taka nia ho matan leten no kraik.
Ho pregu manas, halo kuak iha matan rua, ezatamente iha klaran.
Tu ai-kesak ba matan rua.
Kesi tali rafia ba ai-kesak

Ense bee iha botir laran to’o ninia todan mais ou menus 2 Newton (masa 200g)
Tara botir husi tali ka husi roldana iha maneira tolu hanesan tuirmai ne’e:

· Haree forsa ne’ebé dinamometru hatudu.

· Dada dinamometru ba leten 20cm no sura took aqua-fatin ba leten cm hira.

· Hakerek rezultadu iha tabela hanesan tuir mai ne’e:

	Forsa dinamometru hatudu (N)	Distansia aqua-fatin sa’e (cm)
#1
#2
#3

Teoria basika:

Roldana iha funsaun rua. Nia bele troka tali nia diresaun no mos nia bele tulun, ka fo advantajem mekaniku.

Iha orientasaun #1, roldana troka deit tali nia diresaun dada. Tali nia tensaun hanesan deit aqua-fatin nia todan, nune’e tuir teoria, dinamometru sei hatudu deit aqua nia todan. Dada dinometru 20 cm no aqua-fatin mos sa’e 20cm.

Iha orientasaun #2, roldana dada ba kadeira, no mos dada ba aqua-fatin. Tali nia tensaun mak aqua-fatin nia todan, maibe agora roldana dada tali rua ho tensaun ida ne’e. Nune’e, tuir teoria, dinamometru sei hatudu forsa dala rua (duas vezes) aqua-fatin nia todan. Maibe bainhira dada roldana ba leten distansia ruma, aqua-fatin sei sa’e ba leten dala rua distansia ne’e. Por ezemplu, dada roldana 20cm ba leten no aqua-fatin sei ba leten 40cm.

Iha orientasaun #3, roldana ho aqua-fatin tara deit iha tali rua. Ne’e katak tali ida-idak bele apoiu ninia todan balun. Dinamometru sura deit tali nia tensaun, no tuir teoria, nia sei hatudu forsa 0.5 aqua-fatin nia todan. Maibe bainhira dada tali dinamometru ba leten distansia ruma, aqua-fatin sei sai distansia ne’e balun deit. Por ezemplu, dada dinamometru ba leten 20cm maibe aqua-fatin ba leten 10cm deit.

Ligasaun ba moris:

Ema bele uza karakteristiku ida ne’e hodi hi’it buat ruma. Sei presiza hi’it buat ruma ne’ebé todan liu, bele uza roldana barak no fo forsa ki’ik deit maibe sei bele hi’it.

Forsa Friksaun

Dada botir no sura forsa friksaun [gaya gesekan].

Sasán ne’ebé estudante atu lori:

botir Aqua, diak liu la’ós kabuar

Sasán ne’ebé mestre atu lori:

· biti: 1 ka 2

· dasin-mola [pegas ]

· tali rafia

Tamañu grupu nian: estudante na’in 4 – 6

Atu halo:

1. Mestre hatudu ba estudante sira oinsá liga botir ne’ebé nakonu ho bee ba dasin-mola, dada nia ba oin, no sura forsa [gaya].

2. Mestre esplika katak friksaun estátiku (f_s) no friksaun kinétiku (f_k) la hanesan. Friksaun estátiku mosu bainhira buat ruma seidauk komesa la’o, no friksaun kinétiku mosu bainhira buat ruma la’o daudaun.

3. Atu sura friksaun estátiku, tenke dada botir neineik, haree nafatin dasin-mola, to’o botir foin komesa la’o ba oin. Forsa boot liu ne’ebé ita haree iha dasin-mola mak forsa friksaun estátiku (f_s). Tenke halo dala tolu, no hetan média. Mestre hatudu ba estudante sira oinsá halo.

4. Atu sura friksaun kinétiku, tenke dada botir la’o ba oin no haree dasin-mola. Bainhira botir la’o nafatin ba oin, ladún neineik, ladún lalais, dasin-mola hatudu forsa ruma. Ne’e mak forsa friksaun kinétiku (f_k). Tenke halo dala tolu, no hetan média. Mestre hatudu ba estudante sira oinsá halo.

5. Mestre dehan ba estudante sira katak esperimentu ne’e atu sura forsa friksaun, no mós sura koefisiente friksaun. Atu sura koefisiente friksaun, presiza hatene forsa friksaun, no mós forsa normál (N). Bainhira buat ruma tuur iha fatin tetuk, forsa normál hanesan de’it forsa todan (W), maibé iha diresaun opostu (tuir Newton nia lei #3). (Atu hetan informasaun tan, haree lisaun “Newton 1, 2, 3.”) Botir Aqua ne’ebé nakonu iha volume 1.5 litru bee, masa 1.5 kg, no todan 15 newton.

6. Mestre pinta tabela ne’e iha kuadru no estudante sira pinta tuir:

m = 1.5 kg N = W = mg = 1.5 x 10 = 15 newton
	f_s	f_k
Meza	1.	1.	μ_s =	μ_k =
	2.	2.
	3.	3.	μ_s =	μ_k =
	T: f_smédia:	T: f_kmédia:

Biti	1.	1.	μ_s =	μ_k =
	2.	2.
	3.	3.	μ_s =	μ_k =
	T: f_smédia:	T: f_kmédia:

Simentu	1.	1.	μ_s =	μ_k =
	2.	2.
	3.	3.	μ_s =	μ_k =
	T: f_smédia:	T: f_kmédia:

7. Mestre hatudu ba estudante fatin atu dada botir iha biti, no simentu. Grupu ida-idak tenke halo esperimentu iha fatin hotu. Bainhira halo esperimentu, tenke hakerek resultado iha fatin “f_s” no “f_k,” 1, 2, no 3.

8. Bainhira grupu halo hotu esperimentu iha fatin hotu, estudante ida-idak tenke hetan média, no tuirmai hetan μ_s no μ_k. (Sei mestre hetan estudante sira hetan susar ka konfuzaun barak ona, la presiza hetan μsira)

9. Bainhira grupu halo hotu ona, estudante ida husi grupu ida-idak bele hakerek grupu ne’e nia μ_sno μ_kba fatin ida-idak iha kuadru. Mestre bele pinta tabela hanesan ne’e iha kuadru:

	Grupu #1	Grupu #2	Grupu #3	etc…
μ_smeza
μ_k meza
μ_sbiti
μ_k biti
μ_ssimentu
μ_ksimentu

10. Mestre bele halo diskusaun hamutuk ho estudante sira kona-ba fatin ida-idak nia koefisiente friksaun, no tanbasá sira sai hanesan ne’e.

Sá mak mosu?

Iha fatin ida ne’ebé mak koefisiente friksaun boot liu? Kiik liu? Forsa friksaun depende ba saida?

Tuir Newton nia lei #3, se iha forsa ida, sempre iha forsa seluk ne’ebé mosu iha diresaun opostu. Nune’e, se ema dada ba botir ho forsa 2 newton, no botir ne’e la muda, ne’e katak forsa friksaun estátiku mak 2 newton iha diresaun opostu. Se aumenta forsa to’o 4 newton, no botir sei la muda, ne’e katak forsa friksaun estátiku agora 4 newton iha diresaun opostu. Ita bele pinta dezeñu ho forsa hotu ne’ebé dada ba botir:

botir seidauk muda

F = f

Tuir loloos, iha esperimentu ne’e, ita sura mak forsa ne’ebé ema fó. Maibé tuir Newton nia lei #2 no #3 ita hatene katak se buat ruma la halo aselerasaun [percepatan], ninia forsa ba oin no forsa ba kotuk hanesan de’it. Se botir la muda, nia la halo aselerasaun. Nune’e, bainhira botir foin komesa muda ba oin, forsa ne’ebé ema fó hanesan de’it forsa friksaun estátiku (f_s) másimu.

Bainhira botir foin hahú la’o ba oin, nia halo aselerasaun uitoan atu ba husi velosidade [kecepatan] 0 to’o velosidade ruma.

Maibé bainhira ema dada botir ba oin nafatin ho velosidade konstante (nafatin), ne’e katak la iha ona aselerasaun. Se la iha aselerasaun, ne’e katak forsa ba oin hanesan de’it forsa ba kotuk. Ne’e duni, forsa ne’ebé ema fó atu dada botir ba oin hanesan de’it forsa friksaun kinétiku. Ita bele pinta fali dezeñu ho forsa hotu:

botir muda ba oin

ho velosidade konstante

F = f

Baibain, forsa friksaun estátiku boot liu forsa friksaun kinétiku. Ne’e duni, dudu buat ruma atu hahú la’o ba oin baibain susar liu dudu nia bainhira nia hahú la’o tiha ona. Haree se estudante sira hetan f_sboot liu f_k.

Koefisiente friksaun nia definisaun mak forsa friksaun fahe ba forsa normál: .

Koefisiente hanesan konstante. Ne’e katak nia la depende ba masa, forsa ne’ebé ema fó, ka buat seluk. Nune’e, tuir fórmula, se buat ruma nia todan kiik liu, ninia forsa normál kiik liu, no ninia forsa friksaun mós kiik liu, maibé koefisiente hanesan de’it. Bele fakar bee uitoan husi botir ida no halo fali esperimentu atu hatene loloos.

Koefisiente friksaun depende de’it ba materiál rua ne’ebé kose ba malu. Buat rua ne’ebé tetuk liu hanesan vidru no plástiku iha μ kiik, no buat hanesan fatuk ka rai-henek iha μ boot. Se grupu hotu uza botir ne’ebé oin hanesan, no esperimentu sai diak, grupu hotu atu hetan koefisiente friksaun ba fatin ida mais ou menus hanesan.

Koefisiente friksaun la iha unidade [satuan]. Tuir fórmula, f nia unidade newtion, no N nia unidade mós newton. Nune’e, newton fahe ba newton moos de’it – la iha ona unidade.

Ligasaun ba moris:

Friksaun sempre la fó tulun. Bainhira ema hakarak muda buat ruma, forsa friksaun sempre mosu iha diresaun opostu – la bele uza forsa friksaun atu fó tulun atu muda buat ruma. Forsa friksaun mosu iha mákina hotu-hotu, no mákina diak hamenus forsa friksaun ho rolamentus, mina, no masa.

Maibé, ita mós dala ruma presiza friksaun. Nu’udar ezemplu, se la iha friksaun, ita la bele kaer ita nia lapis, ita la bele la’o ba oin, ita la bele para se la’o ona ba oin. Karreta ba oin tanba roda kaer li’uron ho forsa friksaun, no karreta para ho forsa friksaun entre roda no li’uron, no mós iha travaun [rem] nia laran. Se li’uron bokon, roda nia koefisiente friksaun sai kiik no karreta susar atu para.

Radiasaun

Tau bee botir rua iha loro nia okos atu aprende kona-ba radiasaun [radiasi].

Sasán ne’ebé estudante atu lori:

botir Aqua: 4 ka liutan
kafé rahun

Sasán ne’ebé mestre atu lori:

termómetru
(Esperimentu ne’e tenke halo iha tempu ho loro manas.)

Tamañu grupu nian: estudante na’in 4 – 6

Atu halo:

1. Enxe bee iha botir haat to’o nakonu. Tau kafé rahun iha botir rua no halo kahur.

2. Tau botir ida ho kafé no ida ho bee de’it iha fatin iha ne’ebé loro manas bele kona.

3. Tau botir rua seluk, ida ho kafé no ida ho bee de’it, iha uma laran.

Hein oras ida ka liutan.

3. Bainhira hein hotu ona, foti botir hotu hamutuk, no tau liman ba botir sira atu sente sira nia temperatura. Halo komparasaun atu hatene botir ida ne’ebé mak manas liu. Uza mós termómetru hodi sura sira nia temperatura. Hakerek temperatura iha kuadru.

Se sei iha tempu, tau fali botir, hein uitoan tan, no foti fali atu sura sira nia temperatura.

Sá mak mosu?

Tanbasá botir ne’ebé tau kafé no tau iha loro nia okos manas liu botir sira seluk?

Loro fó ninia enerjia ba rai-klaran no mós ba planeta seluk. Se la iha enerjia husi loro, buat hotu labele moris iha rai-klaran.

Loro dook husi rai-klaran – 150 biliaun (150 x 10⁹) kilómetru. Iha fatin entre loro no rai-klaran la iha buat ida. Nune’e, enerjia husi loro labele ba to’o rai-klaran ho kondusaun ka konvesaun. (Atu hetan informasaun tan, haree lisaun “Bee Manas Sai,” “Anin Manas,” no “Kondusaun.”) Maibé enerjia bele liu fatin ne’e ho radiasaun.

Radiasaun husi loro bele halo manas buat ruma iha loro nia okos. Se loro la kona, nia la bele halo manas. Tanba ne’e botir rua ne’ebé tau iha uma laran la sai manas. (Tuir loloos, loro halo manas rai-klaran hotu, maibé se loro kona loos ba buat ruma, nia sai manas liu.)

Radiasaun husi loro tama ba botir rua ne’ebé iha loro nia okos. Maibé, se buat ruma transparante (nu’udar ezemplu vidru, plástiku, ka bee), radiasaun barak bele liu tiha buat ne’e. Atu radiasaun bele halo manas buat ruma, buat ne’e tenke absorve [menyerap] radiasaun ne’e. Ne’e katak radiasaun tenke para iha buat ne’e nia laran. Nune’e, tanba bee ne’ebé tau kafé la’ós transparante – labele haree liu nia – nia absorve (halo para) radiasaun barak iha ninia laran no sai manas liu bee ne’ebé la tau kafé. Bee ne’ebé la tau kafé iha loro nia okos dala ruma mós sai manas uitoan, tanba nia la’ós transparante hotu – maski bele haree liu botir ne’e, labele haree moos – nia mós absorve (halo para) radiasaun uitoan iha ninia laran atu sai manas uitoan.

Radiasaun mak enerjia ne’ebé halai ho laloran etromagnétiku [gelembang elektromagnetik]. Naroman mak laloran eletromagnétiku oin ida. Iha oin barak, maibé ema nia matan bele haree de’it naroman. Oin ida tan naran “infra-mean” [infra-merah]. Ahi, ampolas, no buat hotu ne’ebé manas fó laloran eletromagnétiku infra-mean. Ita hotu hatene katak loro fó radiasaun naroman atu ema bele haree, maibé loro mós fó radiasaun infra-mean atu halo manas rai-klaran.

Iha esperimentu tan ne’ebé bele halo. Bele tau surat-tahan kór oioin iha botir nia didin. Se iha botir rua iha loro nia okos, no tau kafé uitoan de’it iha botir ida, no barak liu iha ida seluk, karik botir sira ne’e atu sai ho temperatura la hanesan. Mós bele halo took tau kór dose.

Ligasaun ba moris:

Bainhira loro manas kona janela nia vidru, se ita tau liman ba virdu, ita sente vidru ne’e manas uitoan. Maibé, se ita tau liman ba buat seluk ne’ebé la’ós transparante (hanesan besi ka simentu) ne’ebé mós iha loro manas nia okos, buat ne’e baibain manas liu vidru.

Buat ruma ne’ebé iha loro nia okos sai manas ka lae mós depended husi ninia kór. Buat mutin reflete radisaun no labele absorve radiasaun. Nune’e, buat mutin ladún sai manas iha loro nia okos. Maibé buat metan absorve radiasaun hotu no sai manas liu. Tanba ne’e, iha Rai Timor no fatin seluk ne’ebé rai-manas, ema gosta pinta karreta no uma ho kór mutin.

Karreta-oan II

Halo karreta-oan atu aprende kona-ba servisu [kerja] no enerjia.

Sasán ne’ebé estudante atu lori:

lata ho matan no kidun
borraxa: 5
tudik
kartaun
ai-kesak: 2
nikel: 2

Sasán ne’ebé mestre atu lori:

tezoura
fita-kola
metru-fita
dasin mola [pegas]

Tamañu grupu nian: estudante nain 2 – 4

Atu halo:

1. Halo kuak ida iha lata nia matan no rua iha ninia kidun.

2. Tau borraxa ida iha kuak iha rohan ida-idak hanesan photo iha sorin:

3. Tau borraxa ida iha lata nia klaran.

4. Hakotu kartaun no tau ai-kesak rua iha kartaun nia sorin-sorin ne’ebé kuak.

5. Kesi borraxa ba ai-kesak.

6. Hadulas lata dala barak no husik nia halai.

7. Estudante bele sura karreta nia distánsia halai. Mós, estudante nain rua bele foti sira nia karreta-oan, dulas hanesan (nu’udar ezemplu dala 50), no tuirmai husik karreta-oan rua halai hamutuk atu haree ida ne’ebé halai dook liu.

Sá mak mosu?

Tanbasá karreta halai ba oin? Oinsá bele halo nia halai ba kotuk? Borraxa iha lata nia klaran nia funsaun mak saida? Karreta nia velosidade [kecepatan] depende husi saida? Karreta nia enerjia mai husi ne’ebé?

Karreta ne’e, no mós karreta hotu, halai tuir Newton nia Lei #3: Asaun hotu iha reasaun ne’ebé hanesan deit no opostu. (Atu hetan informasaun tan, haree lisaun “Newton 1, 2, 3.”) Asaun mak lata dudu rai ba kotuk. Reasaun mak rai dudu lata ba oin. Bainhira lata ba oin, nia dada karreta ba oin hamutuk.

Se hadulas lata iha diresaun opostu, karreta sei halai ba kotuk. Mós, se tau karreta fila an, nia sei halai ba kotuk.

Borraxa iha lata nia klaran aumenta friksaun [gaya gesekan] entre lata no rai. Se friksaun la iha, lata la bele dudu ba rai no karreta labele halai ba oin. Nune’e, iha situasaun ne’e, friksaun mak buat diak.

Karreta nia velosidade depende husi buat barak. Se hadulas lata dala barak, karreta atu halai maka’as. Se karreta halai iha fatin ne’ebé tetuk, nia atu halai diak liu fali se nia halai iha fatin ne’ebé ladún tetuk. Karreta nia kotuk kose ba rai, no halo friksaun ne’ebé halo karreta halai neineik. Se bele hamenus friksaun ne’e, karreta bele halai lalais liu. Nune’e, iha situasaun ne’e, friksaun mak buat aat.

Se dulas karreta rua hanesan, karreta rua ne’e iha enerjia hanesan deit. (Ne’e loos se borraxa ne’ebé karreta rua uza mak mais ou menus hanesan.) Ida ne’ebé halai dook liu iha friksaun kiik liu.

Karreta nia enerjia mai husi ema. Ema han atu hetan enerjia, no bainhira dulas lata, ema fó enerjia uitoan ba borraxa. Borraxa rai hela enerjia ne’e, no bainhira ema husik karreta, borraxa fó fali ninia enerjia atu halo karreta halai.

Enerjia iha oin rua: enerjia potensial, no enerjia kinétiku. “Potensial” katak enerjia ne’e rai hela deit. “Kinétiku” katak buat ruma uza daudaun enerjia ne’e atu nia bele muda. Bainhira borraxa dulas metin, ninia enerjia potensial barak. Tuirmai, bainhira ema husik karreta halai, enerjia potensial ne’e troka fali ba enerjia kinétiku.

Ligasaun ba moris:

Karreta, motór, no mikrolet mós uza enerjia hodi halai. Petroleu iha sira nia tanke mak enerjia potensial. Enerjia ne’e rai hela iha petroleu nia molekula nia laran. Bainhira petroleu sunu, enerjia ne’e sai, no karreta bele uza nia atu halai. Bainhira karreta halai ona, nia iha enerjia kinétiku.

Esperimentu Nivel Aas:

Se mestre hakarak, estudante sira bele sura servisu ne’ebé karreta halo bainhira nia halai.

Atu halo:

1. Atu halo esperimentu ne’e, estudante tenke halo ninia karreta ba loos. Lata tenke tau loos. Halo karreta halai dala barak, no troka lata nia posisaun to’o karreta ba loos.

atu ba atu ba atu ba

liman karuk liman loos loos deit

2. Atu sura servisu, tenke hatene buat rua: forsa [gaya] ne’ebé nia fó, no distánsia ne’ebé nia halai.

3. Atu sura karreta nia forsa, ita bele uza forsa gravidade [gaya gravitas]. Foti nikel rua, no habelit sira ba karreta nia lata ho fita kola. Hadulas karreta nia lata to’o nia foin bele dulas hamutuk ho nikel rua ne’e.

4. Hasai nikel rua. Tau karreta iha rai no husik nia halai. Sukat distánsia ne’ebé nia halai.

Sá mak mosu?

Karreta halo servisu hira?

Distánsia ita foin sukat tiha ona. Atu sura forsa ita tenke hanoin kona-ba nikel rua ne’ebé belit ba lata.

Bainhira nikel rua belit ba lata nia didin, atu dulas hamutuk ho lata, lata tenke fó forsa ida ne’ebé boot liu nikel rua nia todan. Nikel nia todan mais ou menus 0.05 newton. Ne’e katak bainhira borraxa foin bele dulas lata hamutuk ho nikel rua, lata fó mais ou menus 0.1 newton ba nikel. Se tuirmai ema hasai nikel rua, no husik karreta halai, lata fó forsa ne’e ba rai. Nune’e, bainhira karreta foin hahu halai, ninia forsa 0.1 newton.

Atu sura servisu, tenke uza fórmula

W = servisu

F = forsa

s = distánsia

Se forsa konstante ba distánsia hotu, bele uza fórmula

, maibé karreta ne’e la fó forsa konstante ba rai. Bainhira nia foin hahu halai, borraxa fó forsa boot. To’o karreta atu besik para, borraxa fó forsa uitoan deit. Nune’e, it presiza uza integral. Se estudante sira ladún hatene integral, la buat ida: intgral ne’e simples deit.

Integral sura area [luas] iha liña nia okos iha gráfiku nia laran. Ita bele pinta gráfiku hanesan ne’e:

= Area ne’ebé iha garis nia kraik = A = ½S_p·F₀.

Area ne’e = servisu ne’ebé karreta-oan halo

Bainhira ema foin husik karreta halai (s = 0 metru), forsa boot liu (F₀ = 0.1 newton - hanesan deit nikel rua nia todan). Bainhira karreta foin para (s = S_p metru), forsa la iha ona (F = 0 newton). Nune’e, liña mais ou menus halo triangulu [segi tiga]. Triangulu nia area mak A = ½la ( ½ luan dala aas), nune’e, servisu ne’ebé karreta halo mak ne’e:

W = A = ½la .

Iha ita nia gráfiku:

l = S_p= distánsia ne’ebé karreta halai no

a = F₀ = 0.1 newton = nikel rua nia todan.

Nune’e:

W = A = ½la = ½S_p·F.

Estudante bele tama S_p ne’ebé sira sukat iha fórmula W = ½(0.1)S_p atu hatene servisu ne’ebé sira nia karreta halo. Nu’udar ezemplu, se karreta halai 1 metru, W = ½ (0.1)1 = 0.05 joule.

Servisu nia unidade [satuan] mak joule, hanesan deit enerjia nian. Se karreta halo serbisu 0.05 joule, ne’e katak nia uza enerjia 0.05 joule.

Ligasaun ba moris:

Se karreta uza 0.05 joule atu halai, ita bele husu, 0.05 joule bele halo saida seluk? Nu’udar ezemplu, se foti buat ruma husi rai to’o meza nia leten, ne’e presiza uza enerjia. Se, nu’udar ezemplu, meza nia aas 1 metru, no ema fó enerjia 0.05 joule deit, bele foti buat ho masa hira ba meza nia leten?

Fórmula ba enerjia potensial gravidade nian mak PE = mgh.

PE = enerjia kinétiku

m = masa

g = aselerasaun gravidade [percepatan gravitasi]

h = aas

Iha ezemplu ne’e:

PE = 0.05 joules

g = 10 metru/segudu²

h = 1 metru

Tuirmai, ita bele hetan katak m = 0.005 kilogram = 5 g. Masa ne’e hanesan nikel ida nia masa. Ne’e katak, enerjia ne’ebé karreta uza hodi halai hanesan deit enerjia ne’ebé ema presiza atu foti nikel ida husi rai to meza nia leten – enerjia uitoan deit! Mós, se dulas lata to’o nia bele fó forsa 0.05 newton, tuirmai kesi tali ba lata no kesi nikel ida ba tali nia rohan kraik, bainhira husik lata dulas nia bele hi’it nikel metru ida.

Sunu Fore-rai

Sunu fore-rai no sura ninia enerjia.

Sasán ne’ebé estudante atu lori:

fore-rai
krupuk, kamí, koto, no buat ruma seluk ne’ebé bele sunu karik
lata Coke
fatuk: tolu
arame besi: uitoan
ai-kose

Sasán ne’ebé mestre atu lori:

termómetru
seringa
kopu-prova [tabung]
alkate
mina-rai: uitoan
botir matan kalen

Tamañu grupu nian: estudante na’in 4 – 6

Atu halo:

1. Mestre pinta tabela ne’e iha kuadru no estudante sira pinta tuir:

	#1	#2
temperatura primeiru:
temperatura final:
temperatura troka graus [derajat] hira (ΔT):
ΔT x 4.2 Joule x 100 = enerjia iha fore-rai:

2. Sura 100 ml bee ho kopu-prova.

3. Enxe bee ne’e iha lata Coke nia laran.

4. Tau fore-rai iha arame besi baluk. Fore-rai la bele kona iha rai – tenke aas uitoan atu anin bele tama iha ninia okos no nia bele sunu hotu.

5. Tau lata iha fatuk tolu nia leten, no husik fatin iha ninia kraik atu hatama fore-rai.

6. Foti termómetru no sura bee nia temperatura. Hakerek iha tabela (temperatura primeiru).

7. Halakan fore-rai iha lata Coke nia okos. Husik nia sunu hotu.

8. Bainhira fore-rai nia ahi foin mate, foti termómetru no sura fali bee nia temperatura. Hekerek iha tabela (temperatura final).

9. Hamenus temperatura primeiru husi temperatura final atu hetan temperatura troka graus hira (ΔT). Tuirmai dala 4.2 Joule no 100 ml atu hetan enerjia ne’ebé iha fore-rai ne’ebé foin sunu.

Nu’udar ezemplu, se fore-rai halo bee sai manas husi 22 C to’o 28 C, ΔT = 6 C, no bee nia volume mak 100 ml, fore-rai nee ninia enerjia mak 6 x 4.2 x 100 = 2520 Joule.

10. Tuirmai, estudante sira bele halo dala ida tan ho fore-rai seluk, krupuk, kamí, koto, 1 ml mina-rai iha botir nia matan, ka buat seluk. Ikusliu, mestre bele haruka grupu ida-idak hakerek rezultadu iha kuadru, no halo komparasaun entre rezultadu sira ne’e.

Sá mak mosu?

Tanbasá bele sunu fore-rai atu hetan ninia enerjia?

Bainhira buat ruma sunu, reasaun kímika mosu entre buat ne’ebé sunu no oksijéniu iha anin nia laran. Reasaun ne’e fó sai enerjia nu’udar manas. Se buat ruma iha enerjia barak, nia bele fó sai manas barak. Se buat ruma iha enerjia uitoan de’it, nia bele fó sai manas uitoan de’it.

Bainhira fore-rai sunu, ninia enerjia sai nu’udar manas, no manas ne’e muda ba lata no bee ne’ebé hela iha lata nia laran. Bee ne’e sai manas. Atu hatene enerjia hira tama iha bee nia laran, presiza sura bee ne’e nia temperatura sa’e graus hira.

Se 1 ml bee sai manas 1 graus C, ne’e signifika bee ne’e simu enerjia 4.2 Joule. Iha esperimentu ne’e, ita uza mak 100 ml bee, nune’e, se bee sai manas 1 graus C, ne’e signifika bee ne’e simu enerjia 420 Joule. See nia sai manas 6 graus, dala 420 ba 6 atu hetan 2520 Joule.

Atu komprende esperimentu ne’e, ema tenke komprende Joule. Joule mak unidade [satuan] enerjia ne’ebé katak newton x metru. Nune’e, atu hi’it buat ruma ho forsa 1 newton ba 1 metru, presiza 1 Joule. Buat ruma ne’ebé iha masa 100 gram iha todan 1 newton. Bee nia 1 gram iha volume 1 ml, nune’e 100 ml bee mak 100 gram no ninia todan mak 1 newton. Nune’e, atu hi’it lata Coke ho 100 ml bee husi rai to’o meza nia leten (mais ou menus 1 metru), presiza 1 Joule. Iha ezemplu ne’ebé fó iha lisaun ne’e, fore-rai nia enerjia bele hi’it 250 litru bee husi rai to’o meza nia leten (mgh = 250kg x 10m/s² x 1m = 2500 Joules.) Ne’e enerjia barak iha fore-rai nia laran.

Ligasaun ba moris:

Ema nia isin mós bele hasai enerjia husi fore-rai, maibé la presiza sunu. Ema nia isin uza reasaun kímika ne’ebé la hanesan sunu, maibé bele hasai enerjia ne’ebé mais ou menus hanesan.

Se halo esperimentu ho kamí no mina-rai, ita bele haree katak buat rua ne’e iha enerjia barak liu fore-rai. Tanba ne’e, ita bele uza mina-rai hodi tein, no kamí hodi halo lilin. Baibain la bele halakan koto. Ne’e tanba nia la iha mina – la iha enerjia barak.

Hahan hanesan fore-rai no kamí iha enerjia barak iha ninia laran. Bele halo mina husi fore-rai, kamí, no mós nuu tanba sira nia enerjia barak. Se sunu took foos, nia ladún sunu. Ninia enerjia menus liu fore-rai no kamí.

Ema uza enerjia barak bainhira tein no lakan lampu. Karreta mós uza enerjia barak atu halai. Enerjia ne’e mai husi petroleu ka mina. Se ita uza de’it ita nia isin nia enerjia, ne’ebé ita hasai husi hahan, ita nia moris sei susar duni.

Archimedes

Halo esperimentu ne’ebé Archimedes halo tinan 2000 liubá, no aprende kona-ba

forsa-ba-leten [gaya ke atas].

Sasán ne’ebé estudante atu lori:

fatuk ne’ebé bele tama iha kopu-prova
baluk ai ida ne’ebé bele tama iha kopu-prova
pilla: 1, tuan ka foun
botir Aqua boot, sanan, ka balde
bee

Sasán ne’ebé mestre atu lori:

kopu-prova [tabung]
dasin-mola [pegas]
kabas
fita-kola

Tamañu grupu nian: estudante na’in 4 – 6

Molok halo, mestre fó introdusaun uitoan kona-ba oinsá lee eskala dasin-mola no kopu-prova nian. Tuirmai, bainhira estudante sira halo, sira hatene ona liña sira iha eskala katak saida. Atu hetan informasaun tan, haree lisaun “Sura!”

Atu halo:

1. Mestre pinta tabela ne’e iha kuadru, no estudante sira pinta tuir.

	fatuk	ai	pilla
todan iha anin laran = W_A (N)
todan iha bee laran = W_B(N)		0 N
diferensia todan entre bee no anin = W_A– W_B= ∆W(N)

volume bee ho material hamutuk = v_h(ml)
volume bee de’it = v_b (ml)
volume bee ne’ebé sa’e = volume material = v_h– v_b = v_m(ml)
bee ne’ebé sa’e nia todan = v_m/100 = W_F (N)

2. Kesi kabas ba fatuk, no uza dasin-mola atu sura fatuk nia todan iha anin laran (W_A). Hakerek iha tabela.

3. Tara fatuk nafatin iha dasin-mola, no hatama fatuk iha bee laran, atu hetan ninia todan iha bee laran. Bainhira sura, fatuk la bele halo kona botir nia didin-lolon ka kidun, no mós la bele iha bee leten. Tanba ne’e, uza botir Aqua ne’ebé ulun tesi tiha, ka balde. Labele uza kopu-prova. Haree fatuk nia todan iha bee laran, no hakerek iha tabela (W_B).

4. Hetan diferensia entre fatuk nia todan iha anin no todan iha bee (W_A– W_B). Hakerek iha tabela (∆W). ∆W mak forsa-ba-leten.

5. Hatama fatuk iha kopu-prova nia laran no haree bee no fatuk hamutuk nia volume (v_h). Hakerek iha tabela. Tuirmai hasai fatuk ne’e no haree bee mesak nia volume. Hakerek iha tabela (v_b). Ikusliu, hamenus v_hno v_b (v_h– v_b) atu hatene fatuk mesak nia volume. Hakerek iha tabela (v_m).

(Atu hetan informasaun tan, haree lisaun “Densidade Sólidu.”)

6. Bainhira hatama fatuk iha bee laran, bee sa’e uitoan. Volume fatuk ne’ebé tama iha bee laran hanesan de’it volume bee ne’ebé sa’e. Ita presiza hetan bee ne’e nia todan (W_F).

Bee nia 1 gram iha volume mak 1 milílitru. Nune’e, nu’udar ezemplu, se fatuk nia volume mak 15 ml, nia halo 15 ml bee sa’e, no bee ne’e nia masa mak 15 g, ka 0.015 kg, no ninia todan mak W_F= mg = 0.015 x 10m/s² = 0.15 N.

(Bele mós fahe bee ne’ebé sa’e nia volume (v_m) ba 100, nu’udar ezemplu, W_F = 15 ml /100 = 0.15 N.)

7. Halo komparasaun entre forsa rua ne’e, W_Fno ∆W. Se esperimentu sai diak, sira rua hanesan, ka besik hanesan.

8. Halo fali ho ai. Bainhira hatama ai iha bee laran, nia namlele (keta dudu nia ba bee nia okos!). Nune’e, ai nia todan iha bee laran mak 0 N. Mós, volume ai (v_m= v_h– v_b) ne’ebé hetan iha esperimentu ne’e la’ós volume ai tomak maibé volume ai ne’ebé iha bee nia okos. Iha balu ne’ebé sei hela iha bee nia leten.

9. Se iha tempu, halo fali ho pilla.

Sá mak mosu?

Tanbasá buat ruma nia todan iha bee laran la hanesan ninia todan iha anin laran? Forsa-ba-leten mai husi ne’ebé?

Bainhira buat ruma tama iha bee laran, bee dudu nia ba leten uitoan. Forsa ne’e naran “forsa-ba-leten.” Bainhira buat ruma tama iha bee laran, bee presiza sa’e uitoan. Bee ne’ebé sa’e nia todan hanesan de’it forsa-ba-leten ne’ebé bee fó ba buat ne’e. Forsa ne’e depende de’it ba buat ruma ninia volume (ka ninia volume ne’ebé iha bee laran).

Todan mak forsa husi gravidade ba buat ruma. Todan depende de’it ba buat ruma nia masa, no gravidade.

Buat ruma tun ka namlele iha bee laran depende ba forsa rua ne’e: forsa-ba-leten no todan. Se buat ruma nia todan boot liu ninia forsa-ba-leten, nia sei tun. Se ninia forsa-ba-leten boot liu ninia todan, nia sei namlele. Todan depende ba masa, no forsa-ba-leten depende ba volume, nune’e, buat ruma tun ka namlele iha bee laran depende ba buat ruma nia densidade [masa jenis] ρ = m/v.

Iha esperimentu ne’e, fatuk no pilla tun iha bee laran tanba sira nia todan boot liu sira nia forsa-ba-leten. Sira nia todan boot liu bee ne’ebé sa’e nia todan. Nune’e, sira tun, no sira nia todan iha bee laran hamenus uitoan – sira nia todan iha anin menus forsa-ba-leten. Tuir loloos, todan iha bee laran mak “forsa rezultadu” entre todan iha anin no forsa-ba-leten.

Ai la tun ba bee okos tanba ninia forsa-ba-leten boot liu ninia todan. Ai namlele iha bee nia leten, no ninia isin balu de’it tama iha bee laran. Volume bee ne’ebé sa’e hanesan de’it volume ai nia isin balu ne’ebé tama iha bee laran. Bee ho volume ne’e nia todan hanesan de’it ai tomak nia todan.

Ligasaun ba moris:

Atu sura forsa-ba-leten ne’ebé dudu ro ba leten, tenke haree ro nia volume ne’ebé tama iha bee laran (“volume X” iha dezeñu iha kraik), tuirmai hetan bee ne’ebé iha volume hanesan de’it volume ne’e, no sura bee ne’e nia todan. Todan ne’e hanesan de’it forsa-ba-leten ba ro.

Se hatama sasán tan iha ro nia laran, ro sei tun tan iha bee laran, no volume ro ne’ebé iha bee laran sei sai boot liu. Ne’e duni, forsa-ba-leten mós sai boot.

Se hatama sasán barak liu iha ro laran, ro sei tun to’o tasi nia okos. Ne’e katak ninia todan boot liu ninia forsa-ba-leten.

Sei buat ruma nia densidade hanesan de’it bee nian, forsa-ba-leten hanesan de’it ninia todan, no nia la tun no la sa’e. Ikan nia densidade hanesan de’it bee nia densidade – sira la tun, no la sa’e.

Bainhira ema tama iha bee laran, ema nia isin iha forsa-ba-leten ne’ebé boot uitoan fali ema nia todan. Tanba ne’e, maioria ema foin bele namlele iha bee laran. Ema dehan Archimedes hetan principal ne’e bainhira nia haris iha bee laran.

Archimedes hetan katak ita bele hatene buat ruma nia densidade bainhira tau buat ne’e iha bee laran. Se hetan buat ruma nia densidade, bele mós hatene nia halo ho materiál ida ne’ebé. Nu’udar ezemplu, se sura buat ruma nia densidade ne’ebé haree hanesan osan-mean, bele hatene se buat ne’e mak osan-mean duni ka lae.

Eletromagnetu

Hadulas arame hodi halo eletromagnetu ho solonoid.

Sasán ne’ebé estudante atu lori:

· xupadeiru [sedotan]

· pilla foun (naran ida)

· pregu, balu boot, balu kiik

Sasán ne’ebé mestre atu lori:

arame magnetu
kabas
magnetu permanente (ida ba grupu ida)

Tamañu grupu nian: estudante na’in 2 – 4

Atu halo:

1. Bobar arame iha xupadeiru nia rohan ida. Arame nia rohan rua presiza husik iha li’ur.

2. Uza tudik hodi hasai izolamentu [isolasi] husi arame nia tutun rua, ne’ebé atu liga ba pila. Arame ne’e nia izolamentu hanesan tinta – koi de’it ho tudik hodi hasai. Se la hasai, eletrisidade labele tama arame.

3. Hatama pregu kiikoan iha xupadeiru nia laran. Liga arame nia rohan rua ba pilla nia rohan rua. Ida ne’e naran “solonoid.” Se funsiona diak, solonoid bele dada pregu kiikoan tama ba ninia klaran. (Se arame sai manas, la buat ida. Ne’e tanba eletrisidade suli maka’as iha arame nia laran.)

Koko took uza arame le’un atu dada pregu husi sorin – keta husik nia tama iha solonoid nia laran. Baibain solonoid nia forsa uitoan de’it.

4. Hatama pregu boot iha xupadeiru nia laran. Uza surat-tahan baluk kiik ka buat seluk atu halo metin pregu iha xupadeiru nia laran. Liga arame nia rohan rua ba pilla nia rohan rua. Ida ne’e naran “eletromagnetu.” Koko took eletromagnetu hodi dada pregu kiikoan (hanesan magnetu).

Bainhira halo hotu ona esperimentu ne’e, hasai pregu boot husi xupadeiru no koko took uza pregu boot hodi dada pregu kiikoan. Baibain pregu sei bele dada, maski eletrisidade la iha ona.

5. Tara magnetu permanente iha kabas. Hasai pregu boot no uza eletromagnetu hodi dada no dudu magnetu permanente.

6. Bainhira esperimentu ne’e hotu ona, foti tan arame badak (

50 cm) no hasai izolamentu husi ninia tutun rua. (Mós bele hasai fali arame husi xupadeiru atu uza.) Halo arame loos. Tara arame iha magnetu permanente nia leten besik loos. Liga arame rohan ida ba pilla rohan ida. Foti arame rohan seluk, no liga ba pilla rohan seluk. Depois, hasai fali. Liga-hasai, liga-hasai – halo dala barak. Hare took se arame haksoit bainhira eletrisidade suli. Dala ruma arame belit ba magnetu, dala ruma arame dudu malu ho magnetu.

Mós, bele koko took arame ne’e hodi foti pregu kiikoan. Baibain, nia labele: ninia forsa la to’o.

7. Bele mós bobar fiu diretamente iha pregu boot atu halo eletromagnetu.

Sá mak mosu?

Tanbasá arame bele dada besi hanesan magnetu bainhira eletrisidade suli? Tanbasá arame le’un bele fó forsa maka’as liu arame ne’ebé loos de’it? Tanbasá arame iha ne’ebé eletrisidade suli bele dudu no dada malu ho magnetu? Tanbasá pregu ne’ebé foin hasai husi eletromagnetu bele dada pregu kiikoan, maski la iha eletrisidade?

Iha esperimentu ne’e, bainhira arame rohan rua liga ba pilla rohan rua, eletrisidade suli. Ne’e naran sirkuitu. (Atu hetan informasaun tan, haree lisaun “Sirkuitu.”)

Esperimentu ne’e prova [membuktikan] buat importante loos: bainhira eletrisidade suli iha arame, arame ne’e iha kampu [medan] magnétiku. Se arame iha kampu magnétiku, nia bele dudu no dada magnetu seluk, no mós bele dada besi. Se eletrisidade la suli iha arame, arame ne’e la duda no la dada magnetu seluk, tanba nia la iha kampu magnétiku.

Arame le’un iha kampu magnétiku boot liu arame loos tanba arame hotu hamutuk iha fatin kiikoan. Ne’e mak eletromagnetu. Kampu magnétiku iha eletromagnetu nia laran boot liu kampu magnétiku iha eletromagnetu nia li’ur. Nune’e, eletromagnetu bele dada pregu kiikoan ba ninia laran – ne’e mak solonoid. Se tau pregu boot (ka naran besi ida) iha eletromagnetu laran, pregu ne’e sai fali magnetu, no bele dada maka’as liu ba besi seluk.

Baihira pregu hela kleur iha eletromagnetu nia laran, nia sai fali magnetu permanente. Buat hotu besi (Fe) bele sai fali magnetu se hela kleur iha kampu magnétiku nia laran.

Laloran eletromagnétiku mosu bainhira iha kampu elétriku no kampu magnétiku hamutuk mosu no tohar, mosu no tohar. Laloran eletromagnétiku kiikoan liu, no halai lalais – ho velosidade hanesan de’it naroman nian. Tuir loloos, bainhira halo esperimentu ne’e, ema halo laloran eletromagnétiku, maibé la bele haree.

Ba esperimentu ne’e, presiza uza arame ne’ebé iha izolamentu. Arame magnetu iha tinta nu’udar ninia izolamentu. Se arame la iha izolamentu, bainhira bobar hamutuk, eletrisidade la suli iha le’un – nia suli de’it husi rohan ida to’o rohan seluk. Bainhira arame iha izolamentu, korrente presiza halai iha le’un.

Ligasaun ba moris:

Motór elétriku (hanesan iha ventuiña, blender, no kado elétriku) funsiona tuir prinsipal ne’e: eletrisidade suli iha arame le’un atu halo eletromagnetu, eletromagnetu ne’e dudu ka dada ba roda kiikoan, no roda halo dulas. Ema uza motór elétriku atu halo serbisu oioin. Spiker no metru elétriku mós uza prinsipal ne’e. Atu hetan informasaun tan, haree lisaun “Motór,” “Spiker,” no “Metru Elétriku.”

Se hakarak dada buat ruma, no mós hakarak uza eletrisidade atu kontrola nia, bele uza solonoid. Iha karreta no mós mákina seluk nia laran iha solonoid.

Baibain, ema ne’ebé halo magnetu permanente (hodi halo spiker ka buat seluk) hatama besi especial iha eletromagnetu nia laran no husik oras balu. Tuir mai, bainhira hasai besi ne’e husi eletromagnetu, nia sai fali magnetu permanente.

Metru Elétriku

Halo metru elétriku simples atu aprende kona-ba testmeter.

Sasán ne’ebé estudante atu lori:

kartaun
pilla boot, diak ka aat
pilla aat no pilla diak, boot ka kiik
tudik

Sasán ne’ebé mestre atu lori:

arame magnetu
magnetu permanente
tezoura
kabas
fita-kola mutin

Tamañu grupu nian: estudante na’in 2 – 4

Atu halo:

1. Tesi kartaun atu halo forma hanesan foto iha sorin. Tenke iha kuak boot liu magnetu, no kartaun tenke hamriik mesak.

2. Tesi arame magnetu mais ou menus metru ida. Bobar ba pilla boot, kesi hamutuk, no husik arame nia rohan rua sai.

3. Uza tudik hodi hasai izolamentu [isolasi] tinta husi arame nia rohan rua.

4. Uza fita-kola atu halo metin arame le’un ba kartaun. Arame nia rohan rua presiza sai ba leten.

5. Kesi kabas ba magnetu, no tara iha arame le’un nia klaran, hanesan foto iha sorin. Tau fita-kola mutin ba magnetu nia oin ida. Agora metru elétriku hotu ona.

6. Liga pilla nia rohan rua ba arame nia rohan rua. Haree sá mak mosu.

Se esperimentu sai diak, magnetu dulas uitoan no para.

7. Halo pilla fila an no liga fali. Haree sá mak mosu.

8. Liga fali pilla aat no halo komparasaun ho pilla foun. Halo komparasaun entre pilla boot no kiik. Halo took ho pilla rua hamutuk. Halimar uitoan atu komprende didiak.

Sá mak mosu?

Oinsá metru elétriku bele halo magnetu muda?

Hanesan iha esperimentu “Eletromagnetu,” bainhira korrente [arus] suli iha arame, arame ne’e iha kampu magnétiku [medan listrik]. Bainhira bobar arame barak iha le’un, kampu magnétiku maka’as liu.

Magnetu mós iha kampu magnétiku, no kampu magnétiku rua sempre bele dudu ka dada malu. Nune’e, magnetu ne’ebé tabele iha arame le’un nia laran bele dudu no dada malu ho le’un bainhira korrente suli.

Metru elétriku nia funsaun hanesan ne’e: Se korrente boot, arame le’un dada no dudu maka’as ba magnetu. Se korrente kiik, arame le’un dada no dudu uitoan de’it ba magnetu. Nune’e, se pilla besik mate, magnetu sei dulas neineik de’it no boi ba-mai uitoan. Se pilla foun, magnetu sei dulas lalais, no para metin. (Atu hetan informasaun tan, haree lisaun “Spiker.”)

Magnetu nia posisaun bainhira para depende ba korrente ne’ebé suli iha arame le’un nia diresaun. Korrente nia diresaun depende ba pilla nia posisaun bainhira liga ba arame le’un. Nu’udar ezemplu, se karik magnetu nia sorin ho fita-kola hatudu ba oin bainhira pilla nia polu [kutub] negativu liga ba arame iha sorin loos, entaun se liga pilla nia polu negativu ba arame iha sorin karuk magnetu sei fila an no ninia sorin ho fita-kola sei hatudu ba kotuk.

Pilla boot nia enerjia barak liu pilla kiik nian, maibé sira rua nia voltajen hanesan de’it. Tanba ne’e, karik ita hetan pilla boot no pilla kiik halo magnetu dulas mais ou menus hanesan.

Ligasaun ba moris:

Metru elétriku ne’e hanesan de’it testmeter. Bainhira korrente suli, magnetu dulas. Se liga dasin kiik ba magnetu, magnetu nia forsa presiza kontra dasin nia forsa. Se liga kesak kiik ba magnetu, kesak sei hatudu magnetu dulas to’o iha ne’ebé. Ne’e duni, bele hatene korrente hira suli iha sirkuitu nia laran.

Metru elétriku no testmeter sempre sura mak korrente. Se hakarak hatene voltajen [voltasi] ka rezisténsia [hambatan], bele uza Ohm nia lei: V = IR

V = voltajen

I = korrente

R = rezisténsia.

Testmeter ne’ebé ita uza hatudu diretamente voltajen no rezisténsia, maibé nia mós uza Ohm nia lei atu hatene. Tuir loloos, nia sempre sura korrente.

La bele uza metru elétriku ne’e atu sura eletrisidade ne’ebé iha uma, tanba eletrisidade ne’e boot liu. Iha testmeter nia laran, iha rezistor ne’ebé bele halo kiik korrente ne’ebé tama iha testmeter nia arame le’un. Tanba ne’e, bele uza testmeter atu sura uma nia eletrisidade.

Transformadór

Uza transformadór [transformator/trafo] no eletrisidade husi pilla kiik atu xoke uitoan ema.

Sasán ne’ebé estudante atu lori:

(Estudante sira lalika lori sasán espesiál.)

Sasán ne’ebé mestre atu lori:

transformadór
pilla
arame

Tamañu grupu nian: halo ho estudante ida-idak ne’ebé hakarak, no mós ho estudante hotu hamutuk

Atu halo:

1. Mestre liga arame haat ba transformadór. Baibain, pilla atu liga ba arame le’un kiik, no ema kaer arame ne’ebé liga ba arame le’un boot. Mestre tenke koko-took.

Se transformadór iha númeru, baibain ema kaer mak fatin 240 rua, no liga pilla ba fatin 6 no 0.

2. Voluntáriu ida kaer metin arame rua. Mestre foti arame rua ne’ebé atu liga ba pilla, no liga ida ba pilla nia rohan ida. Ida seluk liga ba pilla rohan seluk. Depois, hasai fali. Liga-hasai, liga-hasai – halo lalais, dala barak. Haree se voluntáriu sente xoke ka lae.

3. Mós, bele liga ba ema nain rua ka liutan. Ema hotu ne’ebé hakarak koko-took kaer liman, no ema nain rua ne’ebé iha liña nia rohan kaer arame ne’ebé mai husi transformadór. Tuirmai mestre liga ba pilla, hanesan esplika iha leten.

4. Atu komprende esperimentu ne’e, tenke hatudu buat ruma tan. Uza voluntáriu ne’ebé sente xoke ladún maka’as, ka gosta sente xoke. Voluntáriu kaer arame rua ne’ebé mai husi transformadór, no mestre liga ba pilla. Liga dala ida deit, no husik nia liga nafatin. Voluntáriu sei sente xoke dala ida deit.

5. Tuirmai, mestre hasai arame husi pilla, no voluntáriu sei sente xoke ida tan. Nune’e, se liga ba pilla nafatin, transformadór la xoke. Nia xoke deit bainhira foin liga pilla no foin hasai pilla.

Sá mak mosu?

Oinsá pilla kiik bele halo xoke maka’as? Tanbasá transformadór xoke bainhira liga no hasai pilla, maibe la xoke se liga pilla nafatin?

Transformadór mak arame le’un rua ne’ebé bobar hamutuk. Hanesan ita bele haree iha esperimentu “Eletromagnetu,” bainhira korrente [arus] suli iha arame le’un nia laran, arame le’un ne’e sai fali magnetu.

Bainhira magnetu permanente hakbesik arame le’un ida, kampu magnétiku [medan maknit] mosu iha arame le’un ne’e. Bainhira kampu magnétiku foin mosu, korrente sei suli iha arame le’un. Ida ne’e naran “indusaun magnétiku” [induksi maknetik]. Maibé, la presiza magnetu permanente. Bele mós halo kampu magnétiku ho arame le’un seluk. Transformadór hanesan ne’e: bainhira korrente foin suli iha le’un #1, le’un #2 simu kampu magnétiku, no korrente mós suli iha le’un ne’e nia laran.

Maibé, sei korrente suli nafatin, kampu magnétiku iha le’un #2 la mosu ona. Atu le’un #1 bele halo korrente suli nafatin iha le’un #2, #1 nia kampu magnétiku tenke mosu-lakon-mosu-lakon. Iha esperimentu ne’e, atu halo kampu magnétiku mosu-lakon-mosu-lakon, ema tenke liga-hasai pilla dala barak. Sei la halo hanesan ne’e, transformadór la bele xoke.

Transformadór baibain uza ba korrente AC. Korrente AC ba iha diresaun rua: primeiru nia ba oin, tuirmai ba kotuk, tuirmai ba fali oin, tuirmai ba fali kotuk. Iha uma nia laran, korrente mak AC.

Pilla fó mak korrente DC. Korrente DC ba iha diresaun ida. Atu halo transformadór xoke, tenke uza pilla atu “halo” korrente AC – liga-hasai-liga-hasai.

Transformadór simu voltajen [voltasi] ida iha arame le’un ida, no fó fali voltajen seluk husi arame le’un seluk. Ratio entre voltajen rua ne’e depende ba arame bobar dala hira iha arame le’un nia laran. Nu’udar ezemplu, se arame le’un ida bobar dala 100, no ida seluk bobar dala 4000, ratio entre sira mak 1:40. Nune’e, se liga transformadór ne’e nia le’un #2 ba 240 V, ninia le’un #1 sei fó fali 6 V.

Mós, bele liga transformadór ne’e nia le’un #1 ba 1.5 V, hanesan pilla ida, no ninia le’un #2 sei fó fali 60 V. Iha esperimentu ne’e, buat ne’e mosu: transformadór halo pilla kiik nia voltajen sai boot.

Ligasaun ba moris:

Iha rádiu, televisaun, no buat seluk ne’ebé uza eletrisidade husi uma, bele hetan transformadór. Ne’e tanba rádiu presiza deit voltajen kiik – hanesan 12 V – no eletrisidade iha uma iha voltajen boot – 240 V. Nune’e, bainhira eletrisidade foin tama iha buat ne’e nia laran, nia tama iha transformadór ne’ebé hamenus ninia voltajen sai kiik.

Arame boot ne’ebé iha ai-riin besik estrada nia leten lori voltajen boot. Voltajen boot diak atu lori eletrisidade, maibé perigu ba ema. Nune’e, bainhira arame ne’e tun ba uma atu ema bele uza, sira liu transformadór boot, ne’ebé troka voltajen husi boot to’o 240 V. Voltajen 240 V sei perigu, maibé ladún – bele xoke ema maibé dala ruma la halo mate. Kaixa boot ne’ebé hela iha ai-riin balu nia leten mak transformadór boot.

Páginas

quinta-feira, 3 de outubro de 2019

FÍZIKA

Manual Treinamento

2012-2013

INFORDEPE

e

Sentru Estudu Siénsia no Matemátika (SESIM)

Conteudo:

Experiência #1

Experiência #2

Sá mak mosu?

Sá mak mosu?

Sá mak mosu?

Sá mak mosu?

Atu Halo:

IHA ESPERIMENTU NE’E, ESTUDANTE SIRA PRESIZA

Sá mak mosu?

Demonstrasaun:

Sá mak mosu?

Demonstrasaun:

Lei #1

Atu halo:

Sá mak mosu?

Lei #2

Sá mak mosu?

Sá mak mosu?

Sá mak mosu?

Oin #1

Oin #2

Oin #3

F1 x S1 = F2 x S2

Oin #1

Oin #2

Oin #3

Oin #2

Oin #3

Sasan ne’ebé presiza:

Oinsa halo:

Teoria basika:

Ligasaun ba moris:

Sá mak mosu?

Sá mak mosu?

Sá mak mosu?

Sá mak mosu?

Sá mak mosu?

Sá mak mosu?

Transformadór

Sá mak mosu?

Sem comentários:

Enviar um comentário